काठमाडौं । बेलायत, फ्रान्स र क्यानडाले इजरायललाई गाजामा आक्रमण तुरुन्तै रोक्न आह्वान गरेका छन् ।

बेलायती प्रधानमन्त्री केयर स्टारमर, फ्रान्सेली राष्ट्रपति इमानुएल म्याक्रोन र क्यानडाका प्रधानमन्त्री मार्क कार्नीले संयुक्त विज्ञप्ति जारी गरेका छन्।

यस विज्ञप्तिमा तीन नेताहरूले भनेका छन्, “यदि इजरायलले आफ्नो नयाँ सैन्य कारबाही बन्द गरेन र मानवीय सहायतामा लगाइएको प्रतिबन्ध हटाएन भने, हामी प्रतिक्रियामा ठोस कदम चाल्नेछौं।”

यी नेताहरूले अक्टोबर ७ मा बन्धक बनाइएका इजरायलीहरूलाई रिहा गर्न हमासलाई अपील पनि गरे।

उनीहरूले थप भने, “हामीले सधैं आतंकवादबाट आफ्ना नागरिकहरूलाई जोगाउने इजरायलको अधिकारलाई समर्थन गरेका छौं। तर यो बढ्दो हिंसा पूर्णतया गलत छ।”