काठमाडौं । प्यालेस्टिनी प्राधिकरणका नेता महमूद अब्बासले अन्तर्राष्ट्रिय समुदायले इजरायलको आलोचनाको स्वागत गरेका छन्।

यसैबीच, वेस्ट बैंकको भ्रमण गरेकी बेलायतकी विकास राज्यमन्त्री जेनी च्यापम्यानले पनि भनिन्, “इजरायलले यस लडाईंमा भोकमरीलाई हतियारको रूपमा प्रयोग गरिरहेको छ।”

इजरायलले गाजामा निरन्तर आक्रमण गरिरहेको छ र त्यहाँ फसेका मानिसहरूसम्म राहत सामग्री पुग्न नदिएको आरोप पनि उमाथि लागेको छ। यस सम्बन्धमा संयुक्त राष्ट्र संघ र बेलायत, फ्रान्स र क्यानडा जस्ता देशहरूले इजरायलको कडा आलोचना गरेका छन् र गाजामा भइरहेको आक्रमण तत्काल बन्द गर्न माग गरेका छन्।

एक विज्ञप्तिमा महमुद अब्बासले भने, “इजरायलले गरिरहेको नरसंहार, यसले निम्त्याइरहेको विनाश र गाजामा भोकमरीको अवस्थाको सामना गर्दै अब चुप लागेर बस्नु सम्भव छैन। हामी बेलायत, फ्रान्स र क्यानडाको संयुक्त वक्तव्यको स्वागत गर्दछौं जसमा उनीहरूले इजरायलको आलोचना गरेका छन्।”

महमुद अब्बासले गाजामा राहत सामग्री पठाउने देशहरूका साथै गाजाका जनतासँग ऐक्यबद्धता देखाउने युरोपेली संघका देशहरूलाई पनि धन्यवाद दिए।

आइतबार, इजरायलले गाजामा केही प्रतिबन्धहरू खुकुलो पारेको दाबी गरेको थियो ताकि त्यहाँ फसेका प्यालेस्टिनीहरूसम्म खाना पुग्न सकोस्, तर त्यसको बावजुद पनि पर्याप्त राहत सामग्री मानिसहरूसम्म पुग्न सकेको छैन।

संयुक्त राष्ट्रसंघले चेतावनी दिएको छ कि यदि पर्याप्त खाना खाँचोमा परेकाहरूलाई पुग्न दिइएन भने गाजामा हजारौं बालबालिका भोकमरीबाट मर्न सक्छन्।