काठमाडौं । बेलायतले हिन्द महासागरमा अवस्थित चागोस टापुहरू मौरिससलाई हस्तान्तरण गरेको छ। यससम्बन्धी सम्झौतामा बिहीबार दुई देशबीच हस्ताक्षर भएको छ।

चागोस द्वीपसमूहको सबैभन्दा ठूलो टापु डिएगो गार्सिया, ब्रिटिश र अमेरिकी सेनाको लागि रणनीतिक रूपमा महत्त्वपूर्ण नौसेना र बमवर्षक आधार हो।

बेलायतले यो कदमले सुरक्षाको लागि महत्त्वपूर्ण अमेरिकी-ब्रिटिश सैन्य अड्डाहरूको भविष्य सुनिश्चित गर्ने बताएको छ।

यही कारणले गर्दा डिएगो गार्सिया अझै पनि बेलायत र अमेरिकाको नियन्त्रणमा रहनेछ।

यो टापु धेरै वर्षसम्म बेलायती कब्जामा थियो। यस विषयमा दुई देशबीच लामो समयदेखि वार्ता भइरहेको थियो।