काठमाडौं । हरियाणाको पंचकुलामा एउटा कारभित्र सात जना मृत फेला परेको खबर आएको छ।

पंचकुलाका डीसीपी हिमाद्री कौशिकले मृतक सबै एकै परिवारका भएको र उनीहरूको पहिचान भइसकेको बताए। उनले भने ‘प्रथम दृष्टिमा यो आत्महत्याको घटना देखिन्छ’।

समाचार एजेन्सी पीटीआईका अनुसार उनीहरू देहरादूनका एकै परिवारका सदस्य थिए।

२६ मे राति मिडियासँग कुरा गर्दै डीसीपी हिमाद्री कौशिकले भने , “हामीलाई ओजस अस्पतालमा ६ जनालाई ल्याइएको जानकारी प्राप्त भयो। हामी त्यहाँ पुग्दा, हामीले उनीहरूको मृत्यु भइसकेको पायौं र सिभिल अस्पतालको सेक्टर ६ मा लगिएको एक जनाको पनि मृत्यु भयो।”

डीसीपीले भने, “प्रथम नजरमा यो आत्महत्याको घटना देखिन्छ। सबै फोरेन्सिक प्रमाणहरू सङ्कलन गरिएको छ। मुद्दाको गहन अनुसन्धान गरिनेछ।”