काठमाडौं । रुसी राष्ट्रपति भ्लादिमिर पुटिनसँगको वार्तापछि अमेरिकी राष्ट्रपति डोनाल्ड ट्रम्पले युक्रेनलाई चेतावनी दिएका छन्।

उनका अनुसार पुटिनले उनलाई युक्रेनले रुसी हवाई अड्डाहरूमा गरेको ठूलो ड्रोन आक्रमणको जवाफ दिनुपर्ने बताएका थिए।

पुटिनसँगको फोन वार्तापछि ट्रम्पले भने, “राष्ट्रपति पुटिनले विमानस्थलहरूमा हालै भएको (युक्रेन) आक्रमणको जवाफ दिनुपर्ने कुरा धेरै कडा शब्दमा भनेका छन्।”

यसको अर्थ रुसले चाँडै नै युक्रेन विरुद्ध बदला लिने कारबाही गर्न सक्छ।

बुधबार राति रुसी अधिकारीहरूले यो कुरा पुष्टि गर्न अस्वीकार गरे, तर रुसले पहिले नै प्रतिक्रियाको लागि सैन्य विकल्पहरू छलफल भइरहेको बताएको थियो।

सामाजिक सञ्जालमा पोस्ट गर्दै ट्रम्पले एक घण्टाभन्दा बढी समय चलेको फोन वार्ताले रुस र युक्रेनबीच “तत्काल शान्ति” ल्याउने छैन भनेका छन्।