काठमाडौं । इरानको उत्तरी क्षेत्रमा मंगलबार बिहान भएको आक्रमणमा कम्तीमा नौ जनाको मृत्यु भएको छ भने चार घर ध्वस्त भएको इरानका स्थानीय अधिकारीहरूले बताएका छन्।

इरानको गिलान प्रान्तको गभर्नरको कार्यालयले अस्तानेह-ये अशरफियाह शहरमा भएको आक्रमणमा ३३ जना घाइते भएको र यसलाई “आतंकवादी” आक्रमणको संज्ञा दिएको छ।

इरानी मिडिया रिपोर्टका अनुसार आक्रमणको पछाडि इजरायलको हात छ। गिलानका उप-गभर्नरले मारिएका वा घाइते हुनेहरूमा १६ महिला र बालबालिका रहेको बताएका छन्।

केही मिडिया रिपोर्टहरूका अनुसार, “मर्नेहरूमा आणविक वैज्ञानिक मोहम्मद रजा सिद्दीकी पनि छन्। इजरायली सेनाले रातमा एक वरिष्ठ आणविक वैज्ञानिकको हत्या भएको पनि उल्लेख गरेको छ।”