काठमाडौं । स्कटल्याण्डको राजधानी एडिनबर्गका तीन दाजुभाइले बिनारोकाई र कुनै बाह्य सहयोग बिना प्रशान्त महासागर पार गरेर नयाँ कीर्तिमान कायम गरेका छन्। उनीहरूले लगभग १४० दिन समुन्द्रमा बिताएपछि यो उपलब्धि हासिल गरेका हुन्।

जेमी, इभान र लाचलान म्याक्लिनले पेरुबाट अष्ट्रेलियासम्म ९,००० माइल (१४,४८४ किलोमिटर) यात्रा गरे।

यस समयमा, उनीहरूले खतरनाक आँधीबेहरीको सामना गर्नुपर्‍यो, जसका कारण उनीहरूले लामो बाटो रोज्नुपर्‍यो।

आँधीबेहरीको समयमा, लाचलानलाई ठूलो छालले डुङ्गाबाट बगाएको थियो, तर पछि उनलाई समुद्रबाट फिर्ता ल्याइयो ।

जब तीन दाजुभाइ अष्ट्रेलियाको केर्न्स पुगे र परिवार र साथीभाइलाई भेटे, उनीहरूले भने कि अब उनीहरू केवल पिज्जा खान र शान्तिपूर्वक सुत्न चाहन्छन्।

“यो अझै पनि अलि अनौठो छ। हाम्रो खुट्टा जमिनमा टेक्न अलि समय लागिरहेको छ, तर केर्न्समा हामीले पाएको न्यानो स्वागत अद्भुत छ,” इभानले बीबीसी ब्रेकफास्टलाई भने ।

जेमीले यो यात्रा शारीरिक र मानसिक रूपमा “अत्यन्तै चुनौतीपूर्ण” रहेको बताए, तर भने: “हामी सँगै एक बलियो टोली बन्यौं र यो ठूलो चुनौतीलाई पार गर्यौं।”