काठमाडौं । अमेरिकी राष्ट्रपति डोनाल्ड ट्रम्पले सोमबार भारतले अमेरिकी सामानहरूमा आयात शुल्क शून्यमा झार्ने प्रस्ताव गरेको तर यो धेरै ढिलो भइसकेको दाबी गरेका छन्।

ट्रम्प भन्छन् – भारतले यो वर्षौं पहिले नै गर्नुपर्थ्यो। आफ्नो पोस्टमा ट्रम्पले भारत-अमेरिका व्यापारलाई ‘एकतर्फी विपत्ति’ पनि भनेका छन्।

ट्रम्पले ट्रुथ सोसलमा लेखेको पोस्टमा लेखेका छन् , “धेरै कम मानिसहरूले बुझ्छन् कि हामी भारतसँग धेरै कम व्यापार गर्छौं, तर तिनीहरू (भारत) हामीसँग धेरै व्यापार गर्छन्।”

“अर्को शब्दमा भन्नुपर्दा भारतले हामीलाई धेरै सामान बेच्छ। हामी उनीहरूको सबैभन्दा ठूलो ग्राहक हौं तर हामी उनीहरूलाई धेरै कम बेच्छौं। अहिलेसम्म यो पूर्णतया एकतर्फी सम्बन्ध रहेको छ र दशकौंदेखि यस्तै छ।”

उनले लेखे, “हाम्रा व्यवसायीहरू अझै पनि भारतमा सामान बेच्न सक्षम छैनन्। यो किनभने भारतले अहिलेसम्म अन्य देशहरूको तुलनामा हामीमाथि सबैभन्दा बढी शुल्क लगाएको छ। अहिलेसम्म यो एकतर्फी विपत्ति जस्तै भएको छ।”

“भारतले आफ्नो अधिकांश तेल र सैन्य उत्पादनहरू रूसबाट किन्छ। यसले अमेरिकाबाट धेरै कम किन्छ। अब उनीहरूले भन्सार शुल्क शून्यमा झार्ने प्रस्ताव गरेका छन्, तर यो ढिलाइ भइरहेको छ। उनीहरूले यो वर्षौं पहिले नै गर्नुपर्थ्यो।”