काठमाडौं । सिरियाली राष्ट्रपति अहमद अल-शारा अमेरिकी राष्ट्रपति डोनाल्ड ट्रम्पलाई ह्वाइट हाउसमा भेट्न अमेरिका पुगेका छन्।

अहमद अल-शारा पहिले एक इस्लामिक अतिवादी समूहका नेता थिए र अमेरिकाले उनको नाममा १ करोड डलरको इनाम राखेको थियो।

अहमद अल-शाराको नेतृत्वमा सिरियाले आइएसआईएस विरुद्ध अमेरिकालाई सहयोग गर्ने विश्वास गरिएको छ।

सोमबारको बैठकमा सिरियाली र अमेरिकी राष्ट्रपतिहरूले सिरियाको पुनर्निर्माणको बारेमा पनि छलफल गर्नेछन्।

अर्कोतर्फ, अहमद अल-शारा अमेरिका आइपुग्नुअघि सिरियाली गृह मन्त्रालयले तथाकथित इस्लामिक स्टेट (आईएसआईएस) अड्डाहरूमा आक्रमणको घोषणा गरेको थियो।

सिरियाली गृह मन्त्रालयका अनुसार सेनाले देशका धेरै प्रान्तहरूमा आइएसआईएस लुकेका ठाउँहरूलाई लक्षित गरेको छ।