काठमाडौं । भारतीय महिला क्रिकेट टोलीकी उपकप्तान स्मृति मन्धनाले पलाश मुच्छलसँगको आफ्नो वैवाहिक सम्बन्ध अब टुटेको बताइन्।

पलाश मुच्छलसँगको विवाह स्थगित भएपछि स्मृतिले पहिलो पटक सार्वजनिक रूपमा आफ्नो मौनता तोडिन्।

मन्धनाले आफ्नो इन्स्टाग्राम स्टोरीमा लामो बयान जारी गर्दै पलाश मुच्छलसँगको आफ्नो विवाह टुटेको जानकारी दिइन्।

स्मृति मन्धना र पलाश मुच्छलको विवाह नोभेम्बर २३ मा हुने तय भएको थियो तर सोही दिन स्थगित गरिएको थियो।

इन्स्टाग्राम स्टोरीमा आफ्नो पोस्टमा स्मृतिले लेखेकी छिन्, “पछिल्ला केही हप्तादेखि मेरो व्यक्तिगत जीवनको बारेमा धेरै अनुमानहरू भइरहेका छन् र मलाई लाग्यो कि अब यसबारे स्पष्ट रूपमा कुरा गर्नु महत्त्वपूर्ण छ।”

उनले भनिन्, “म एक निजी व्यक्ति हुँ र यस्तै रहन चाहन्छु, तर म यो स्पष्ट पार्न चाहन्छु कि विवाह अब समाप्त भएको छ।”

स्मृति मन्धानाले भनिन्, “म चाहन्छु कि यो कुरा यहीं समाप्त होस् र म तपाईंहरू सबैलाई अनुरोध गर्छु कि यसलाई अझ अगाडि नबढाउनुहोस्। कृपया यस समयमा दुवै परिवारको गोपनीयताको सम्मान गर्नुहोस् र हामीलाई केही समय दिनुहोस् ताकि हामी यो अवस्थालाई आफ्नै तरिकाले बुझ्न सकौं र अगाडि बढ्न सकौं।”

उनले भनिन्, “मलाई विश्वास छ कि हामी सबैले एउटा ठूलो उद्देश्यका लागि प्रयास गर्नुपर्छ र मेरो लागि जुन सधैं मेरो देशको प्रतिनिधित्व गर्दै आएको छ।”

“म भारतको लागि खेल्न चाहन्छु, जित्न चाहन्छु र सकेसम्म लामो समयसम्म टोलीको लागि आफ्नो सर्वश्रेष्ठ दिन चाहन्छु। त्यो सधैं मेरो ध्यान हुनेछ।”