काठमाडौं। निरन्तरको वर्षा र प्रतिकूल मौसमका कारण देशका विभिन्न विमानस्थलहरूमा हवाई उडान प्रभावित भएका छन्।

आकाश धुम्मिएर भिजिबिलिटी अपर्याप्त भएपछि त्रिभुवन अन्तर्राष्ट्रिय विमानस्थलबाट हुने आन्तरिक उडानहरू प्रभावित बनेका हुन्। मौसमका कारण उडान ढिलाइ र रद्द हुने क्रम बढेपछि विमानस्थलहरूमा यात्रुको चाप र प्रतीक्षा अत्यधिक बढेको छ।

विशेष गरी पोखरा, भरतपुर र तुम्लिङटार विमानस्थलमा भिजिबिलिटी नपुगेका कारण उडानहरू सञ्चालन हुन सकेका छैनन्। मौसममा सुधार नआएसम्म ती गन्तव्यहरूका लागि हवाई सेवा अवरुद्ध नै रहने जनाइएको छ।