काठमाडौं। पूर्व प्रधानमन्त्री एवं जनता समाजवादी पार्टीका नेता डा. बाबुराम भट्टराईले प्रधानन्यायाधीश चोलेन्द्र शमशेर राणालाई महाअभियोग लगाउनु पर्ने बताएका छन्। भट्टराईले शुक्रबार ट्विट गर्दै ‘अपराधका संरक्षक’ भन्दै प्रधानन्यायाधीश राणालाई महाअधियोग लगाउनु पर्ने बताएका हुन्।

प्रधानन्यायधीश राणासहितको इजलासले हालै श्रीमती हत्या आरोपमा सर्वस्वसहित जन्म कैद पाएका सशस्त्र प्रहरीका पूर्व डीआईजी रञ्जन कोइरालाको कैद सजाय अवधि घटाइदिएको थियो। सर्वोच्चको सोही फैसलापछि कोइराला बिहीबार जेलमुक्त भइसकेका छन्।

देश गम्भीर संकटतिर जाँदैछ।लोकतान्त्रिक ढंगले संकटमोचन गर्न यसो गरौं:१.संसद अधिवेशन बोलाऊँ;२.KPOलाई विदा गरेर नेकपाभित्रैबाट नयाँPMचयन गरौं;३.अपराधका संरक्षक न्यायाधीशमाथि महाभियोग लगाऊँ;४.भ्रष्टाचार रोक्न शक्तिशाली लोकपाल गठनगरौं;५.प्रत्यक्ष निर्वाचित कार्यकारी राष्ट्रपतिमा जाऊँ!

— Baburam Bhattarai (@brb1954) July 24, 2020

सर्वोच्चको यो फैसलाको चौतर्फी आलोचना भएको छ भने प्रधानन्यायधीश राणा विवादमा तानिएका छन्। उता सरकारले पनि सर्वोच्चको यो फैसलालाई त्रुटिपूर्ण भनेको छ। सरकारले महान्यायधिवक्ताको कार्यालयमार्फत सो फैसलाविरुद्ध पुनरावलोकन निवेदन दर्ता गराई सकेको छ।