काठमाडौं। युक्रेनले ‘इन्टरनेशनल कोर्ट अफ जस्टिस’मा रुसविरुद्ध मुद्दा हालिदिएको छ । एक ट्वीटमा यसको जानकारी दिँदै युक्रेनका राष्ट्रपति भोलोदिमिर जेलेन्स्कीले युक्रेनमा आक्रमणको लागि रुसलाई जवाफदेही ठहर गरिनुपर्ने बताएका छन् । आफ्नो ट्वीटमा जेलेन्स्कीले लेखेका छन् ‘हामी इन्टरनेशनल कोर्ट अफ जस्टिससँग आग्रह गर्दछौं कि उसले रुससँग तत्काल सैन्य कारवाही रोक्न भनोस् । हामी अर्को हप्ता यो केसको सुनुवाइ गराउन चाहन्छौं ।’

Ukraine has submitted its application against Russia to the ICJ. Russia must be held accountable for manipulating the notion of genocide to justify aggression. We request an urgent decision ordering Russia to cease military activity now and expect trials to start next week.

— Володимир Зеленський (@ZelenskyyUa) February 27, 2022

बिहीबार बिहान रुसी राष्ट्रपतिले युक्रेनमा सैन्य कारवाहीको आदेश दिएका थिए । त्यसपछि रुसी सेना युक्रेनमा प्रवेश गरेको थियो र अहिले युक्रेनले रुसी सेनाको आक्रमणको सामना गर्नु परिरहेको छ । कैयौं सहरमा भीषण युद्ध भएको छ । आज बिहान रुसले युक्रेनसँग बेलारुसमा वार्ता गर्ने प्रस्ताव राखेको थियो तर युक्रेनले बेलारुसमा वार्ता सम्भव नभएको बताएको छ । बेलारुस रुसको सहयोगी हो र उसले यो युद्धमा रुसलाई सहयोग गरिरहेको छ ।