काठमाडौं। चीनमा सोमबार ठूलो विमान दुर्घटना भएको छ । १३२ जना यात्रुहरुलाई लिएर गइरहेको चाइना इस्टर्न प्यासेन्जर जेट विमान ग्यांगशीमा दुर्घटना भएको छ । जुन पहाडमा यो विमान दुर्घटना भएको छ त्यहााका केही तस्वीर सार्वजनिक भएका छन् । पहाडबाट धुवाँ उडिरहेको देखिएको छ । यो दुर्घटनामा कति यात्री मारिए भन्ने स्पष्ट छैन ।

दुर्घटनास्थलका तस्वीर हेरेर ठूलो संख्यामा यात्रीहरुको ज्यान गएको हुन सक्ने आशंका गरिएको छ । रिपोटृका अनुसार यात्रीहरुलाई लिएर गइरहेको यो विमान बोइङ ७३७ मोडलको हो । यो मोडलका विमान पहिले पनि कैयौं पटक दुर्घटना भइसकेका छन् ।

#BREAKING: A Boeing 737 of China Eastern with 133 people onboard had an accident and caused mountain fire in Tengxian county, South China’s Guangxi Zhuang Autonomous Region; casualties are not clear yet: CCTV. https://t.co/LQ97EFvX2k pic.twitter.com/fv7ElVbwQC

— Global Times (@globaltimesnews) March 21, 2022

२०२१ मा विश्वभरमा एयरलाइन्सका १५ प्राणघातक दुर्घटना भएका थिए । जसमा कूल १३४ जनाको मृत्यु भएको थियो । १२ महिनाभित्र सबैभन्दा ठूलो दुर्घटना इण्डोनेसियाको श्रीविजय एयरको बोइङ ७३७–५०० विमानको थियो । यो इण्डोनेसियाको समुद्रमा दुर्घटना भएको थियो । जनवरी २०२१ मा भएको यो दुर्घटनामा विमानमा भएका सबै ६१ जनाको मृत्यु भएको थियो ।

*चीनको सरकारी मिडियाले सुरुमा १३३ जना लेखेको र पछि सच्याएकोले सोही आधारमा सच्याइएको