काठमाडौं । भारतका चर्चित गायक केके (कृष्णकुमार कुननाथ)को मंगलबार अचानक निधन भएको छ । उनी कोलकातामा लाइभ शो गर्दै थिए, कार्यक्रमपछि अचानक उनको स्वास्थ्य बिग्रियो र उनी बेहोस भए ।

उनलाई तत्काल अस्पताल लगिएको थियो, जहाँ उनलाई मृत घोषित गरिएको थियो। पोस्टमार्टम रिपोर्ट आएपछि मात्र मृत्युको वास्तविक कारण खुल्ने भए पनि चिकित्सकले यसलाई हृदयघातका कारण मृत्यु भएको मानिरहेका छन् ।

अर्कोतर्फ, प्रहरीले यस घटनामा असामान्य मृत्युको मुद्दा दर्ता गरेको छ। प्रहरी स्रोतका अनुसार केकेको अनुहार र टाउकोमा चोट लागेको छ । प्रहरीले होटलका कर्मचारी र कन्सर्ट आयोजकहरीसँग पनि सोधपुछ गर्नेछ ।

गायक केकेको निधनले ठूलो प्रश्न खडा गरेको छ । गायकको कन्सर्ट ३१ मेमा कोलकाताको प्रसिद्ध विवेकानन्द कलेज सभागृहमा भएको थियो। कन्सर्टको भिडियो सार्वजनिक भएको छ जसमा केके निकै निराश र असहज देखिएका छन् ।

उनी पसिना पुछिरहेका थिए र उनलाई निकै गर्मी महसुस भइरहेको थियो । कन्सर्टको फुटेजमा अराजकता र कमजोर व्यवस्थापन प्रष्ट देखिन्छ । यही अव्यवस्थाका कारण भीडमा आगो निभाउने ग्यास छर्किएको आरोप छ । यो पनि केकेको स्वास्थ्य बिग्रनुको प्रमुख कारण मानिएको छ । प्रवेश पास नपाएका धेरै फ्यान बाहिर लामो लाइनमा देखिएका थिए ।