काठमाडौं । कतारी राजकुमारकी पूर्व पत्नी अधिक लागूऔषध सेवनका कारण मृत फेला परेकी छन् । ७३ वर्षीय अर्बपति अब्देलाजिज बिन खलिफा अल थानीकी तेस्रो पत्नी कासिया गालानिसको शव स्पेनको मार्बेलास्थित उनको घरमा फेला परेको छ ।

कासिया ४५ वर्षकी थिइन् र आफ्ना पूर्व पतिबाट बच्चाहरूको हिरासतमा लिएको मुद्दाको सामना गरिरहेकी थिइन्। अब्देलाजिज बिन खलिफा अल थानी कतारका वर्तमान अमिरका काका हुन्।

कासियाको मृत्यु हालै कतारका पूर्व तेल तथा अर्थमन्त्री रहेका आफ्ना पूर्व पतिले एक नाबालिगलाई अनुपयुक्त रूपमा छोएको आरोप लगाएपछि भएको हो। यद्यपि, अल थानीले यी आरोपहरूलाई पूर्ण रूपमा अस्वीकार गरेका छन् ।

स्पेनका प्रहरी अधिकारीहरूले आइतवार कासियाको शव उनको घरमा फेला पारेका थिए। जानकारी अनुसार उनकी कान्छी छोरी पेरिसमा बस्छिन् । उनले प्रहरीलाई फोन गरेर आमासँग सम्पर्क हुन नसकेको बताएकी थिइन् ।

मिडिया रिपोर्टका अनुसार द्वारपालले केही प्रहरीलाई बिहान आठ बजे मारबेलाको अपार्टमेन्टमा प्रवेश गर्न अनुमति दिएका थिए। प्रहरी भित्र पुग्दा कासियाको शव ओछ्यानमा पल्टिएको थियो ।

भर्खरै सुनुवाइका क्रममा उनले आफ्ना पूर्व पतिले एक नाबालिग केटीलाई गलत तरिकाले छोएको आरोप लगाएकी थिइन् । अत्याधिक मादक पदार्थ सेवनका कारण मृत्यु भएको हुन सक्ने प्रहरीले जनाएको छ । तर पोस्टमार्टमपछि सबै कुरा खुल्नेछ । हत्या वा दुर्घटनाको बीचमा पनि छानबिन हुन्छ ।

कासियाका १७ वर्षका दुई जुम्ल्याहा छोरी छन् । सुरुमा उनीहरू अल थानीसँग बसे। तर पछि उनीहरूले आफ्नी आमासँग बस्ने निर्णय गरे।