काठमाडौं । भर्जिनियाको एक अदालतले बुधबार हलिउड अभिनेता जोनी डेप र उनकी पूर्व पत्नी एम्बर हर्ड विरुद्ध चलिरहेको मानहानि मुद्दामा फैसला सुनाएको छ। ६ हप्ता लामो यो ट्रायलमा जोनी डेप विजयी भएका छन् । डेपले १ करोड ५० लाख डलर क्षतिपूर्ति पाउनेछन् । साथै, हर्डलाई २० लाख डलर क्षतिपूर्ति दिने निर्णय पनि गरिएको छ ।

वास्तवमा, हर्डले डेप विरुद्ध घरेलु हिंसाको मुद्दा दायर गरेकी थिइन् । त्यसपछि अभिनेताले हर्डविरुद्ध मानहानीको मुद्दा दायर गरेका थिए । अभिनेत्री एम्बर हर्डले जोनी डेप विरुद्ध दुर्व्यवहार र मानसिक उत्पीडनको दावी गरेकी छिन्। हर्डले अदालतको निर्णयलाई निराशाजनक भनेकी छिन् । उनले यो निर्णयले आफ्नो मन टुटेको बताइन् । डेपले भने जूरीले आफूलाई जीवन फिर्ता दिएको बताएका छन् ।

 

View this post on Instagram

 

A post shared by Johnny Depp (@johnnydepp)

भर्जिनियामा रहेको सात सदस्यीय निर्णायक मण्डलले हर्डले सन् २०१८ मा डेपको विरुद्ध यौन हिंसामा लेख लेखेको पाए। यस लेखले डेपको प्रतिष्ठामा चोट पुर्याऐको र यो लेख दुर्भावनापूर्ण नियतले लेखिएको अदालतले ठहर गरेको छ ।

निर्णायक मण्डलले डेप र उनकी पूर्व पत्नी एम्बर हर्ड दुवैलाई मानहानिको लागि जिम्मेवार ठहराएको छ। जूरीले डेपका वकिल एडम वाल्डम्यानले हर्डको विरुद्धमा बयान दिएका थिए जसले उनको प्रतिष्ठामा चोट पुर्‍याएको पनि ठहर गरेका छन्। त्यसैले हर्डले पनि २ मिलियन डलर क्षतिपूर्ति पाउनेछिन् ।

 

View this post on Instagram

 

A post shared by Amber Heard (@amberheard)

फैसलाप्रति प्रतिक्रिया दिँदै हर्डले यसलाई महिलाका लागि झट्का भनेकी छिन् । ‘आज मैले महसुस गरेको निराशा शब्दमा बताउन सकिँदैन’, उनले भनिन् ‘म दुःखी छु कि यति धेरै प्रमाणहरू पनि मेरो पूर्व पतिको असीमित शक्ति, प्रभाव र दबदबाको सामना गर्न पर्याप्त थिएन।’

हर्डले भनिन् ‘यो निर्णयले अन्य महिलाहरूलाई पनि स्तब्ध बनाउनेछ। यसले महिला हिंसाको गम्भीरतालाई कम गर्नेछ। हर्ड र डेपले २०१५ मा विवाह गरेका थिए । मे २०१६ मा, हर्डले डेप विरुद्ध घरेलु हिंसाको आरोप दायर गरिन् र दम्पतीले २०१७ मा सम्बन्धविच्छेद गरे। हर्डले डेपलाई जबरजस्ती यौनसम्पर्क र लागुऔषध दुरुपयोग गरेको आरोप लगाएकी थिइन् ।’