काठमाडौं । रुस र बेलारुसको राष्ट्रिय झण्डालाई अस्ट्रेलियन ओपन टेनिस प्रतियोगितामा प्रतिबन्ध लगाइएको छ । यसअघि दर्शकले खेलमा ‘बाधा’ नगरेसम्म रंगशालाभित्र झण्डा बोक्न अनुमति दिइएको थियो।

तर, युक्रेन र रुसका खेलाडीबीचको खेलमा रुसी झण्डा फहराइएपछि आयोजकले मंगलबार ठूलो निर्णय गरेको हो । यो प्रतिबन्ध तत्काल लागू हुनेछ।

टेनिस अष्ट्रेलियाले जारी गरेको विज्ञप्तिमा भनिएको छ, ‘हामी हाम्रा खेलाडीहरूसँग रमाइलो वातावरण बनाउन निरन्तर प्रयासरत छौं ।’

सोमबारको पहिलो राउण्डको खेलमा रुसी समर्थकहरूले युक्रेनी खेलाडी काटेरिन ब्यान्डेललाई गाली गरेपछि युक्रेनी समर्थकहरूले प्रहरी बोलाएको बताएका छन्।

स्थानीय पत्रिका द एजसँग कुरा गर्दै एक युक्रेनी फ्यानले भने, “दुई देशबीच युद्ध चलिरहेको हुनाले यो असुरक्षित थियो। कोर्ट सानो थियो, झण्डा बोक्नेहरू खेलाडीहरूसँग धेरै नजिक थिए।”

तर यस मामिलामा संलग्न एक रूसी व्यक्तिले द एजलाई भने कि उनी र उनका साथीहरू आफ्नो देशको खेलाडीको लागि मात्र चियर गरिरहेका थिए।

यसअघि अष्ट्रेलियामा युक्रेनका राजदूतले पनि अष्ट्रेलियाली टेनिसलाई कारबाही गर्न माग गरेका थिए ।

गत वर्ष फेब्रुअरीमा युक्रेनले आक्रमण गरेपछि रुस र बेलारुसका खेलाडी टेनिसलगायत धेरै खेलमा आफ्नो देशको झण्डा बोकेर जान पाएका छैनन् ।

दुबै देशका खेलाडीहरू सेतो झण्डा बोकेर अस्ट्रेलियन ओपनमा सहभागी भइरहेका छन्, तर विम्बल्डन २०२२ मा खेल्न पनि प्रतिबन्ध लगाइएको छ।