काठमाडौं । अस्ट्रेलियाले राजधानी क्यानबेरामा रुसलाई नयाँ दूतावास निर्माण गर्नबाट रोक्ने कानुन पारित गरेको छ ।

यो नयाँ दूतावास अस्ट्रेलियाको संसद नजिकै निर्माण गर्ने प्रस्ताव गरिएको थियो ।

प्रधानमन्त्री एन्टोनी अल्बानीजले संसदमा यो कानूनको प्रस्ताव गरे र केही घण्टापछि संसदले पारित गरेको हो।

गुप्तचर निकायको सल्लाहपछि यस्तो गरिएको उनले बताए ।

रुसको यो दूतावासबाट अष्ट्रेलियाको गुप्तचर सूचना लीक हुने डर थियो ।

विज्ञहरूका अनुसार रुसले दूतावासमार्फत जासुसी गर्न सक्ने अष्ट्रेलियालाई डर थियो।

यस कदमको आलोचना गर्दै रुसले यसलाई रुसोफोबिक (रुसको डर) भनेको छ।