काठमाडौं । साविक विजेता काठमाडौं रेजर्सले नेपाल सुपर लिग एनएसएलको दोस्रो संस्करणमा विजयी सुरुवात गरेको छ ।

दशरथ रंगशालामा शुक्रबार भएको खेलमा काठमाडौंले नवप्रवेशी स्पोर्टिङ इलामलाई १–० गोल अन्तरले हराउँदै प्रतियोगिताको विजयी सुरुवात गरेको हो ।

काठमाडौंको जितमा राजीव लोप्चनले खेलको ५१ औं मिनेटमा निर्णायक गोल गरेका थिए । दोस्रो हाफमा बेन्चबाट मैदान छिदै राजीवले काठमाडौंका लागि विजयी गोल गरे ।

प्रतियोगिताको दोस्रो दिन शनिबार ललितपुर सिटी एफसी र बुटवल लुम्बिनी एफसी तथा पोखरा थन्डर्स र एफसी चितवनबीच प्रतिस्पर्धा हुनेछ ।