काठमाडौं। यस सिजनको युइएफए च्याम्पियन्स लिगको राउण्ड १६ को समीकरण पूरा भएको छ। समूह चरणका खेलहरु गएराती सकिएसँगै राउण्ड १६ मा पुग्ने १६ क्लबको टुंगो लागेको हो।

राउण्ड १६ मा समूह ए बाट बायर्न म्युनिख र कोपेनहेगन, समूह बी बाट आर्सनल र पीएसभी, समूह सी बाट रियल म्याड्रिड र नापोली, समूह डी बाट रियल सोसियडाड र इन्टर मिलान, समूह ई बाट एथलेटिको म्याड्रिड र लाजियो, समुह एफ बाट डोर्टमण्ड र पिएसजी, समुह जी बाट म्यानचेस्टर सिटी र आरबी लेइपजिंग तथा समुह एचबाट बार्सिलोना र पोर्टो पुगेका छन्।

त्यसैगरी सबै समूहबाट तेस्रो भएका क्लबहरु युरोपा लिगमा ट्रान्सफर भएका छन्। जसमा समूह ए बाट गालाटासारे, समूह बी बाट लेन्स, समूह सी बाट ब्रागा, समूह डी बाट बेनिफिका, समूह ई बाट फेयनोर्ड, समुह एफ बाट एसी मिलान, समुह जी बाट योंग ब्य्वाज र समुह एचबाट शख्तर डोनेटस्क रहेका छन्।

अब राउण्ड १६ को ड्र डिसेम्बर १८ मा हुने छ भने राउण्ड १६ का खेलहरु फेब्रुअरी र मार्चमा हुने छन्।