काठमाडौं । भारतको तेलंगना राज्यको पोनाक्कलको प्राथमिक विद्यालयका शिक्षकलाई तेलंगानाको मनचेरियलमा सरुवा गरिएको थियो तर उनका विद्यार्थीहरूले यो सहन सकेनन्। त्यसैले १३३ विद्यार्थीहरूले त्यो विद्यालय छोडे र तिनीहरू सबैले अक्कापेल्ली गुडाको त्यही विद्यालयमा भर्ना भए जहाँ उनीहरूको शिक्षकको सरुवा गरिएको थियो।

यी बालबालिकाको मनपर्ने शिक्षक जजला श्रीनिवास हुन्। उनी २०१२ देखि पोनाक्कल प्राथमिक विद्यालयमा अध्यापन गर्दै आएका थिए । श्रीनिवासको सरुवा जुलाइ १ मा भएको थियो । जुन ३० मा अक्कापेल्ली विद्यालयमा २१ जना मात्र विद्यार्थी थिए । अहिले उनीहरुको संख्या बढेर १५४ पुगेको छ । तर, यहाँ श्रीनिवास मात्र एक्ला शिक्षक हुन्।

श्रीनिवास जन्नाराम मण्डलको यस विद्यालयमा जुलाई २०१२ मा आएका थिए। त्यतिबेला स्कुलमा ५ कक्षा, २ शिक्षक र ३२ विद्यार्थी मात्र थिए । श्रीनिवासको खेलकुद मार्फत पढाउने शैलीका कारण गाउँका मानिसहरूले आफ्ना छोराछोरीलाई सरकारी विद्यालयमा पठाउने निर्णय गरे। १३३ बालबालिकाले विद्यालय छोड्नुअघि यहाँ २५० बालबालिका थिए ।

अहिले जिपल्ली, गोदगुडा, कमनपल्ली, किष्टपुर, इन्दनपल्ली, गान्धीनगर, जुविगुडा र जन्नाराम गाउँका विद्यार्थीहरू अटोमा नयाँ विद्यालय जान्छन्। यो विद्यालय उनीहरूको अघिल्लो विद्यालयबाट ३ किलोमिटर टाढा छ ।