काठमाडौं । इरानमा हमासका शीर्ष नेता इस्माइल हानियाको अन्त्येष्टिमा हजारौं मानिस भेला भएका छन् । बुधबार तेहरानमा भएको आक्रमणमा हानियाको मृत्यु भएको थियो ।

इरानका सर्वोच्च नेता आयतोल्लाह अली खामेनीले हमास नेताका लागि प्रार्थना गरेका छन्। हानियाको शवलाई कतारमा दाहसंस्कार गरिने भएको छ ।

हानियाको मृत्युमा खामेनीले भनेका थिए, “हमास नेताको मृत्युको बदला लिनु इरानको कर्तव्य हो।”

अमेरिकी सञ्चारमाध्यमलाई उद्धृत गर्दै खामेनीले इजरायलमाथि प्रत्यक्ष हमला गर्ने आदेश पनि दिएको बताइएको छ ।

तेहरानमा भएको आक्रमणमा इरानले इजरायललाई जिम्मेवार ठहर गरेको छ । यद्यपी इजरायलले अहिलेसम्म यस हमलाको प्रत्यक्ष जिम्मेवारी लिएको छैन।

इजरायलका प्रधानमन्त्री बेन्जामिन नेतान्याहुले भने – उनको देशले हालका दिनहरूमा आफ्ना शत्रुहरूलाई कडा प्रहार गरेको छ, जसमा तेहरान आक्रमणको केही घण्टा अघि लेबनानमा एक वरिष्ठ हिजबुल्लाह कमाण्डरको मृत्यु पनि समावेश छ।