मेलबर्न । प्रेस्टन टाउन हल, मेलबर्न दिदीबहिनी समाज भिक्टोरियाको आयोजनामा अस्ट्रेलियाको मेलबर्नमा “Preserving Culture Raising Hope” नारा सहितको तीज कार्यक्रम मेरिल्यान्ड सिटी काउन्सिलका मेयर नातालीय अब्बाउडको प्रमुख आतिथ्यतामा सम्पन्न भएको छ।

संस्थाका अध्यक्ष जमुना पराजुलीले स्वागत मन्तव्य व्यक्त गर्दै तीज नेपाली महिलाहरुको महान चाँड भएको र बिशेषत यसलाई सामाजिक उद्देश्य सहित सञ्चालान गर्न पाएकोमा गर्व महसूस भएको बताए।

यो संस्थाले प्रत्येक वर्षको तीजबाट संकलित रकम नेपालमा हिंसा पीडित महिला तथा बालिकाहरुको सहयोगको लागि प्रयोग गर्दै आइरहेकोमा यो वर्ष पनि सोही प्रायोजनकै लागि प्रयोग गरिने जानकारी संस्थाकी कोषाध्यक्ष प्रभा श्रेष्ठले जानकारी दिइन्।

प्रवेश शुल्क १५ डलर राखिएको उक्त कार्यक्रममा ६ सयभन्दा बढीको उपस्थिति रहेकोमा नेपालबाट भिजिट भिसामा आएका आमाबुबा, विद्यार्थी, केटाकेटीहरुलाई भने निःशुल्क प्रवेशको व्यवस्था गरिएको थियो।

कार्यक्रममा आमन्त्रित अतिथि कलाकारद्वय गायक सन्जिब पराजुली तथा गायिका टिका प्रसाईलाई समितिका तर्फबाट प्रभा श्रेष्ठ र जमुना पराजुलीले मायाको चिनो प्रदान गरेकी थिइन्।

कार्यक्रममा Ms Nepal Earth Anupama Aura Gurung, Beauty Queens Ms Australia Universal 2017 Somaiye Kadivar, Mrs Turkey Globe 2018 Arzum Caglayancay, Mrs Oceania Pacific 2018 Ananya Chakrabarty, Ms South Asia Universal 2017 Hima Himani, Mrs Coral Sea Globe 2018 Eloise Grace, बिभिन्न नेपाली संघ संस्थाका प्रतिनिधिहरु लगायत मेलबर्नको विभिन्न क्षेत्रमा बसोबास गर्दै आएका नेपाली एबं बिदेशीहरुको उपस्थिति रहेको थियो ।

कार्यक्रममा कर्के नजर, नाइँ मलाइ थाहा छैन, एउटा कुरा भनौ, पहिलो भेटैमा जस्ता बिभिन्न लोकप्रिय गीतहरु गाइसकेका आजका चर्चित लोकप्रिय गायक गायिका सन्जिब पराजुली तथा टिका प्रसाईका बिभिन्न गीत तथा तीजका गीतहरुमा नेपालीहरुसंगै बिदेशीहरु पनि नाचेका थिए।

कार्यक्रमका प्रमुख आकर्षणमा संस्थाका कार्यकारी सदस्य बर्षा राजभण्डारीले संयोजन गरेको आमा–छोरीको ग्रुप डान्स, Children Entertaining Corner को ब्यबस्था, Sari and Traditional Jewellery Stall, केटाकेटीहरुका लागि Face Painting, Free Photography, Beauty Pageants आदि थिए। कार्यक्रममा आमन्त्रित अतिथिहरुले नेपाली महिलाहरुलाई तीजको शुभकामना दिए।

दिव्या सङ्गामी, मोनिका तामाङ्ग, रुची गौतमद्वारा संयुक्त रुपमा संचलान गरेको उक्त कार्यक्रममा आयोजक संस्थाका कार्यकारी सदस्य निर्मला नेउपानेले कार्यक्रम सफलतापूर्बक सम्पन्न गर्न आ–आफ्नो तर्फबाट साथ र सहयोग गर्नु हुने सम्पूर्ण कलाकार, स्पन्सर, सञ्चारकर्मी, स्वयं सेवक, उपस्थित नेपाली समुदाय, संस्थामा आबद्ध प्रतिनिधिहरुप्रति हार्दिक आभार प्रकट भयो।