काठमाडौं । इजरायली अधिकारीहरूले आइतबार बिहान यमनबाट प्रहार गरिएको मिसाइल इजरायलको बेन गुरियन विमानस्थलको मुख्य टर्मिनल नजिकै खसेको दाबी गरेका छन्।

अनलाइन पोस्ट गरिएको अप्रमाणित फुटेजमा तेल अभिभको बाहिरी इलाकामा रहेको विमानस्थल नजिकै मिसाइल खसेपछि कालो धुवाँको मुस्लो उठ्दै गर्दा नजिकैको सडकमा मानिसहरूले आफ्ना सवारी साधनहरू रोकेर लुकेको देखिन्छ।

इजरायली मिडियाले आपतकालीन सेवाहरूलाई उद्धृत गर्दै विस्फोटमा चार जना घाइते भएको र आश्रयस्थलमा भाग्ने क्रममा दुई जना घाइते भएको बताएको छ।

“हामीमाथि आक्रमण गर्ने जो कोहीलाई पनि सात गुणा बढी बल प्रयोग गरिनेछ,” इजरायलका रक्षामन्त्री इजरायल काट्जले एक विज्ञप्तिमा भने।

हुथी विद्रोहीका सैन्य प्रवक्ता याह्या सारियाले टेलिभिजनमा प्रसारित वक्तव्यमा इजरायली विमानस्थल “अब हवाई यात्राको लागि सुरक्षित छैन” भने।