काठमाडौं । तिब्बती बौद्ध आध्यात्मिक नेता दलाई लामाले बुधबार आफ्नो भिडियो सन्देशमा भनेका छन् – आध्यात्मिक नेता छनौट गर्ने परम्परा उनको मृत्यु पछि पनि जारी रहनेछ।

बौद्ध धर्मका तिब्बती आध्यात्मिक नेताले उत्तराधिकारी छनौट गर्ने परम्परा जारी रहने कुरा यति स्पष्ट रूपमा भनेको यो पहिलो पटक हो।

उनले आफ्नो पुनर्जन्म पत्ता लगाउने र पहिचान गर्ने प्रक्रिया पूर्णतया गादेन फोड्राङ फाउन्डेसन अन्तर्गत हुने र “यस विषयमा अरू कसैलाई हस्तक्षेप गर्ने अधिकार नभएको” पनि बताए।

दलाई लामालाई तिब्बतका संरक्षक संत अवलोकितेश्वर वा चेनरेजिगको जीवित अवतार मानिन्छ। दलाई लामाको भूमिका प्राचीन छ र १५ औं शताब्दीदेखि १४ जना दलाई लामा भइसकेका छन्।

मार्चमा प्रकाशित आफ्नो पुस्तक “भ्वाइस फर द भ्वाइसलेस” मा दलाई लामाले उत्तराधिकारी चीन बाहिर जन्मिने सम्भावना पनि रहेको बताएका छन्।

दलाई लामाको मृत्युपछि उनको पुनर्जन्म हुन्छ र धार्मिक नेताले त्यो बच्चा खोज्छन् भन्ने विश्वास गरिन्छ।