काठमाडौं । थाइल्याण्डमा राजनीतिक उथलपुथलको बीचमा सूर्या जंगरुनग्रेङकिटलाई बुधबार देशको कामचलाउ प्रधानमन्त्री नियुक्त गरिएको छ। ७० वर्षीय सूर्याले २४ घण्टाको लागि मात्र प्रधानमन्त्रीको जिम्मेवारी सम्हाल्नेछन्।

उनले निलम्बित प्रधानमन्त्री प्योटोङटार्न शिनावात्रालाई प्रतिस्थापन गरेका छन्, जसलाई संवैधानिक अदालतको आदेशपछि पदबाट हटाइएको थियो। सूर्यलाई थाई राजनीतिमा ‘मौसमविद्’ भनिन्छ किनभने उनी सधैं सत्तारुढ दलसँग सरकारमा रहेका छन्। बैंकक पोस्टको रिपोर्ट अनुसार, थाइल्याण्डमा बिहीबार मन्त्रिपरिषद् पुनर्गठन हुने तय भएको छ।

गृहमन्त्री फुम्थम भेचायचाईले उपप्रधानमन्त्रीको रूपमा शपथ लिन सक्नेछन्। उनले पदभार ग्रहण गरेपछि कार्यवाहक प्रधानमन्त्रीको रूपमा सूर्याको कार्यकाल समाप्त हुनेछ। थाइल्याण्डको संवैधानिक अदालतले मंगलबार प्रधानमन्त्री पाटोङ्टार्न शिनावात्रालाई निलम्बन गरेको छ।