काठमाडौं । अमेरिकाले ‘द रेजिस्टेन्स फ्रन्ट’ (टीआरएफ) लाई ‘विदेशी आतंकवादी संगठन’ घोषणा गरेको छ। अमेरिकी विदेश मन्त्रालयले एक विज्ञप्ति जारी गर्दै यो जानकारी दिएको हो।

विज्ञप्तिमा अमेरिकी विदेशमन्त्री मार्को रुबियोले भने, ” लश्कर-ए-तैयबा (एलइटी) को एक मोर्चा टीआरएफले अप्रिल २२ मा पहलगाममा भएको आक्रमणको जिम्मेवारी लिएको छ, जसमा २६ जना सर्वसाधारणको मृत्यु भएको थियो।”

“लश्कर-ए-तैयबाले २००८ मा गरेको मुम्बई आक्रमण भारतमा सर्वसाधारणमाथि भएको सबैभन्दा घातक आक्रमण थियो। टीआरएफले २०२४ को आक्रमण सहित भारतीय सुरक्षा बलहरू विरुद्धका धेरै आक्रमणहरूको जिम्मेवारी पनि लिएको छ।”

भारतीय विदेश सचिव विक्रम मिश्रीले मे ७ मा पत्रकार सम्मेलनमा पहलगाम आक्रमणको लागि टीआरएफलाई दोष दिएका थिए।

मिश्रीले भने, “द रेजिस्टेन्स फ्रन्ट (टीआरएफ) भन्ने समूहले आक्रमणको जिम्मेवारी लिएको छ। यो समूह संयुक्त राष्ट्र संघले प्रतिबन्धित पाकिस्तानी आतंकवादी समूह लश्कर-ए-तैयबाको मोर्चा हो।”