काठमाडौं । अमेरिकी राष्ट्रपति डोनाल्ड ट्रम्पले चाँडै भारत भ्रमण गर्ने बताएका छन्।

“प्रधानमन्त्री नरेन्द्र मोदीले रुसबाट तेल किन्न लगभग बन्द गरिसक्नुभएको छ। उहाँ मेरो साथी हुनुहुन्छ। म उहाँसँग कुरा गर्नेछु। उहाँ मलाई भारत बोलाउन चाहनुहुन्छ। हामी यो कुरा मिलाउनेछौं,” उनले बिहीबार ह्वाइट हाउसको पत्रकार सम्मेलनमा भने।

ट्रम्पले फेरि एक पटक भारत र पाकिस्तानबीचको युद्ध आफूले रोकेको दाबी गरेका छन्।

उनले भने – उनले भारत र पाकिस्तान बीचको द्वन्द्व रोक्न “ट्यारिफलाई हतियारको रूपमा प्रयोग गरेका थिए।” उनको “हस्तक्षेप” ले २४ घण्टा भित्र द्वन्द्व समाप्त गर्यो।