काठमाडौं । नेपाली कांग्रेसनिकट नेपाल मुस्लिम संघले विशेष महाधिवेशनमा सक्रिय सहभागी रहन अपिल गरेको छ।

महासचिव प्रवेज आलम अन्सारीले आज एक विज्ञप्ति जारी गर्दै विशेष महाधिवेशनमा सक्रिय सहभागिताका लागि अपिल गरेका हुन्।

नेपाल मुस्लिम संघले विशेष महाधिवेशनलाई भव्य र सभ्य रूपमा सम्पन्न गर्न देशभरिबाट निर्वाचित सम्पूर्ण मुस्लिम महासमिति तथा महाधिवेशन प्रतिनिधिहरूलाई उपस्थित हुन अपिल गरेको छ।

यही पुस २७ र २८ गते काठमाडौंको भृकुटीमण्डपमा विशेष महाधिवेशन हुँदैछ।