छात्रले अश्लील भिडियो बनाएर पैसा असुले, हेडसरले छात्रलाई नै अपहरण गरेर फिरौती मागे

भागलपुर। बिहारको एक स्कुलमा प्रधानाध्यापकलाई ब्ल्याकमेल गरेर पैसा असुलिएपछि प्रधानाध्यापकले पछि ती छात्रलाई नै अपहरण गरेर उनको परिवारसँग उल्टै फिरौती मागेको घटना सार्वजनिक भएको छ । ब्ल्याकमेल गर्ने छात्रलाई अपहरण गरेको आरोपमा भागलपुरको नवोदिप विद्यालयका प्रिन्सिपल ब्रजेश कुमारलाई गिरफ्तार गरिएको छ ।

पक्राउ परेपछि ब्रजेशले ती छात्रले आफूलाई ब्ल्याकमेल गरेर ३ लाख रुपैयाँ असुलेको बताएका छन् । ब्रजेशका अनुसार केही दिन पहिले उनलाई एक अञ्जान नम्बरबाट फोन आयो । फोन गर्नेले धम्की दिए कि उनीसँग एक अश्लील भिडियो छ पैसा नदिए त्यो भिडियो भाइरल गरिदिन्छु । भिडियो देखाउनको लागि ब्रजेशलाई भागलपुरको जीरोमाइल बोलाइयो । भिडियोमा ब्रजेशसँग एक युवती देखिएकी थिइन् ।

ब्रजेशका अनुसार यो विषयमा त्यही स्कुलका एक अर्का छात्र पनि मिलेका छन् जसलाई २०१८ को प्रि बोर्ड परीक्षामा ५ विषयमा फेल भएपछि स्कुलबाट निकालिएको थियो । ब्रजेशका अनुसार ब्ल्याकमेल गरेर छात्रले ३ लाख रुपैयाँ असुलिसकेका थिए र अहिले फेरि ५ लाख मागिरहेका थिए । ब्ल्याकमेल गर्ने छात्रका पिता होमगार्ड जवान हुन् र उनी भागलपुरका जिल्ला मजिस्ट्रेटको कार्यालयमा तैनाथ छन् ।

भागलपुरका एसपी आशिष भारतीले बताएअनुसार ती छात्रले अश्लील भिडियोको डर देखाएर ब्रजेशलाई ब्ल्याकमेल गरिरहेका थिए । २८ अगष्टका दिन ब्ल्याकमेलको ५ लाख लिन उनी ब्रजेशको घर पुगेका थिए । ब्ल्याकमेलबाट आजित भएका ब्रजेशले उनलाई त्यहीँ बन्धक बनाए । छात्रलाई अपहरण गरेपछि ब्रजेशले छात्रका परिवारसँग ३ लाख फिरौती मागे । पुलिसको दबाबपछि उनले छात्रलाई छोडिदिएका छन् ।

Facebook Comment


सम्बन्धित खवर

ताजा भिडियो