काठमाडौं। सिन्धुपाल्चोकको भोटेकोशी नदीमा बाढी आउँदा बगाएर दुई जनाको मृत्यु भएको छ । उक्त बाढीमा परी १८ जना बेपत्ता भएका छन् ।

राति १२ बजेदेखि आएको बाढीले बाह्रबिसे नगरपालिका वडा नम्बर ५ को जम्बुमा पर्ने अरनिको राजमार्गमा क्षति पुर्याउँदा बाह्रबिसे नगरपालिका र भोटेकोशी गाउँपालिकाबीच सम्बन्ध बिच्छेद भएको जिल्ला प्रहरी कार्यालय सिन्धुपाल्चोकले जनाएको छ।

भोटेकोसीमा आएको बाढीका कारण अरनिको राजमार्ग अवरुद्ध भएको छ। सिन्धुपाल्चोकको जुरोमा भोटेकोसीले सडक बनाएपछि अरनिको राजमार्ग अवरुद्ध भएको हो।