काठमाडौं । कोरोनाको कारण यो बर्ष युरोपका पाँच ठुलो फुटबल प्रतियोगिताहरु ला लिगा (स्पेन), सिरी–ए (ईटली), लिग–१ (फ्रान्स), बुन्देशलिगा (जर्मनी), र प्रिमियर लिग (ईङल्यान्ड) करिब तिन महिना सम्म प्रभावित भयो । यद्यपि यतिलामो ब्रेकपछि पनि फुटबलका स्टार खेलाडीहरु क्रिस्टियानो रोनाल्डो, लियोनल मेस्सी, किलियन एम्बाप्पे जस्ता खेलाडीहरुले मैदानमा शानदार पुनरागमन गरे ।

सन २०१९–२० को सिजनमा सबैभन्दा बढि गोलगर्ने खेलाडीहरुमा यी खेलाडीहरुको नाम माथि आउन सक्छ । तर हरेक मिनेटको औसतमा गोल गर्ने खेलाडीहरुको बारेमा कुरागर्दा यो सुचिमा अचम्मै पार्ने नामहरू माथि रहेका छन् । यो सुचिको शिर्ष ५ मा रोनाल्डो, मेस्सी बाहिर रहेका छन ।

यो लिस्टमा ती १० खेलाडीहरुलाई राखिएको छ, जस्को हरेक मिनेटको गोल औसत सबैभन्दा राम्रो छ । उनीहरुले जारी सिजनको युरोपको उत्कृष्ट ५ क्लबमा एकै टोलीबाट खेल्दै कम्तिमा १० गोल गरेका छन ।

बार्सिलोनालाई च्याम्पियन्स लिगमा लगातार १३ औं पटक क्वार्टर फाइनलमा पुर्याउदै मेस्सी यो सिजनमा सबैभन्दा बढि गोल गर्ने खेलाडीको सुचिमा पाचौं स्थानमा रहेका छन । तर युरोप फुटबलको लिगमा प्रति मिनेट गोल औसतको मामलामा मेस्सी शिर्ष १० भन्दा बाहिर रहेका छन । उनी यो सुचिमा १३ औं स्थानमा रहेका छन । मेस्सीले स्पेनिश फुटबल लिग ला लिगामा हरेक ११५ मिनेटमा गोल गरेका छन ।

लुइस मुरिएल : यो सुचिमा लुइस मुरिएल पहिलो स्थानमा रहेका छन । उनी सिरी ए मा एट्लान्टाका लागि खेल्छन्। उनले प्रत्येक ६९ मिनेटमा गोल गरेका छन। यी खेलाडीले सिरी ए को यो सिजनमा कुल ३४ खेल खेलेका छन। यस समयमा उनी करिब १२४४ मिनेट मैदानमा थिए र उनले १८ गोल गरे ।

रबर्ट लेवन्डोव्स्की : जर्मन फुटबल लिग बुन्देशलिगाका स्ट्राइकर रोबर्ट लेवन्डोव्स्की प्रति मिनेट गोलको आधारमा दोस्रो स्थानमा छन्। लेवान्डोस्कीले बुन्डेस्लिगाको ३१ खेलमा ३४ गोल गरे। यस समयमा उनी २७६१ मिनेट मैदानमा थिए। यस सन्दर्भमा उनले प्रत्येक ८१ मिनेटमा गोल गरेका छन ।

अर्लिंग हल्यान्ड : जर्मन क्लब बोरुसिया डार्टमन्टको स्ट्राइकर अर्लिंग हल्यान्ड यस सूचीमा तेस्रो स्थानमा रहेका छन। उनले २०१९–२० सिजनमा औसत ८१ मिनेटमा गोल गरेका छन । उनले बुन्डेशलिगाको १५ खेलमा १३ गोल गरेका छन ।

किलियन एम्बाप्पे : २१ बर्षीय किलियन एम्बाप्पे फ्रान्सेली क्लब पीएसजीको लागि खेल्छन्, उनलाई उदीयमान खेलाडीको रुपमा पनि लिईन्छ। उनले २०१९–२० मा पीएसजीको लागि २० खेलमा १८ गोल गरेका छन। उही समयमा, उनले लिगमा प्रत्येक ८४ मिनेटमा गोल गरेका छन ।

सीरो इमोबाइल : इटालियन क्लब लाजियोको सिरो इम्मोबाइल यस सिजनमा यूरोपको शीर्ष ५ लिगमा ३६ गोलको साथ सर्वाधिक स्कोरकर्ता हुन। उनले सिरी ए को यस सत्रमा आफ्नो क्लबको लागि ३८ खेलमध्ये ३७ खेलमा अवतरण गरे र प्रत्येक खेलमा क्लबको लागि गोल गरे । इमोबाइलले यस सिजनमा ३१७६ मिनेट खर्च गर्दे, प्रत्येक ८८ मिनेटको औसतमा गोल गरेका छन ।

सर्जियो अगुएरो : यो सिजनमा प्रिमियर लिग क्लब म्यानचेस्टर सिटीको लागि खेल्ने अर्जेन्टिनी खेलाडी सर्जियो अगुएरोले प्रत्येक ९१ मिनेटमा गोल गरेका छन। यस अवस्थामा उनी आर्सेनलको पियर एरिकिक, लेसेस्टरको जेमी वार्डी र लिभरपुलका मोहम्मद सालेहभन्दा अगाडि छन्। उनले २४ खेलमा १६ गोल गरे र मैदानमा १४५६ मिनेट बिताए।

क्रिस्टियानो रोनाल्डो : ३५ वर्षीय युवेन्टस स्ट्राइकर क्रिस्टियानो रोनाल्डोले २०१९–२० सिजनमा सिरी ए को ३३ खेलमा ३१ गोल ​​गरे। उनले प्रत्येक ९४ मिनेटमा एक गोलको औसत पुरा गरेका छन। यूरोपको शीर्ष ५ लीगमा सर्वाधिक गोल गर्नेमा केवल सिरो इमोबाइल र रोबर्ट लेवन्डोव्स्की उनी भन्दा अगाडि छन्।

टिमो वर्नर : टिमो वर्नर जर्मन फुटबल लीग बुन्डेशलिगाको क्लब आरबी लाइपजिगका लागि खेल्छन्। उनले यो सिजनमा ३४ खेलमा २८ गोल गरेका छन।यस सिजनमा उनी मैदानमा २८०८ मिनेट मैदानमा रहदै प्रत्येक १०० मिनेटमा एक गोल गरेका छन ।

नेमार : नेमार चोटका कारण यस सिजनमा पिएसजिका लागि बढी खेल खेल्न सकेनन। उनले १३२२ मिनेट खेल्दै प्रत्येक १०१ मिनेटमा एक गोल गरेका छन ।

माउरो इकार्डी : फ्रान्सेली क्लब पीएसजीको लागि खेल्ने माउरो इकार्डीले यस सिजनमा १२६९ मिनेट मैदानमा थिए र यसैबिच उनले २० गोल गरे। उनले यो सिजनमा प्रति १०५ मिनेटमा एक गोल गरेका छन ।