काठमाडौं। इण्डियन प्रिमियर लिगको फाइनल खेल मंगलबार सकिएको छ । मंगलबार मुम्बइ इण्डियन्सले दिल्ली क्यापिटल्सलाई पराजित गर्दै उपाधि जितेको छ । यो मुम्बइको पाँचौं उपाधि हो । दिल्ली आइपिएल इतिहासमै पहिलो पटक फाइनल खेलेको थियो ।

दिल्ली क्यापिटल्समा नेपाली खेलाडी सन्दिप लामिछाने पनि आबद्ध छन् । यद्यपि यो सिजन दिल्लीले कूल १७ खेल खेल्दा सन्दिपले एउटा खेल पनि खेल्न पाएनन् । अहिले दिल्ली क्यापिटल्सले ट्वीटरमार्फत उनलाई धन्यवाद दिएको छ ।

There is a reason we call him the charming man, we can hear you in our 📹 cams 💙

Always smiling 😊
Effort in training 💯
T20 global sensation 🤗

Thank you, @Sandeep25 for all the #Dream11IPL memories ✨#YehHaiNayiDilli pic.twitter.com/P6cMHyMK4T

— Delhi Capitals (@DelhiCapitals) November 14, 2020

धन्यवाद सन्देशमा दिल्लीले सन्दिपलाई प्रशिक्षणका क्रममा आफ्नो शतप्रतिशत ऊर्जा दिएको भनेको छ । सधैं हाँसिरहने र टि–२० का विश्वव्यापी सनसनी भएका कारण उनलाई दिल्लीले सुन्दर व्यक्ति भन्ने ट्वीटमा उल्लेख छ । दिल्लीले उनलाई ड्रिम ११ आइपिएल २०२० को सबै सम्झनाको लागि धन्यवाद भनेको छ ।