रोनाल्डोको गोलमा युभेन्टस विजयी
काठमाडौं । सिरी ए फुटबल अन्तर्गत आईतवार बिहान भएको खेलमा युभेन्टसले काग्लिएरीलाई २–० गोल अन्तरले पराजित गरेको छ । युभेन्टसको जितमा दुवै गोल क्रिष्टियानो रोनाल्डोले गरेका हुन् । उनले खेलको ३८ र ४२ औँ मिनेटमा गोल गरेका हुन् । घरेलु मैदानमा भएको खेलमा युभेन्टसले सिरी ए को लिगचरण अन्तर्गत आफ्नो आठौं खेलमा काग्लिएरीलाई पराजित गरेको हो ।
सिरी ए को लिगचरणमा आठ खेल खेलेको युभेन्टसले ४ जित र ४ बराबरी खेलेको छ । यो सँगै अंक तालिकाको दोस्रो स्थानमा रहेको युभेन्टसको १६ अंक भएको छ । लिगको शिर्ष स्थानमा एसी मिलान रहेको छ । मिलानले लिगचरणमा खेलेको ७ खेल मध्ये ५ मा जित र २ मा बराबरी खेलेको छ ।
प्रतिक्रिया
Facebook Comment