पाकिस्तानी कप्तान बाबर आजमले बिहेको प्रलोभन देखाएर १० वर्ष यौनशोषण गरेको आरोप
काठमाडौं। न्यूजिल्याण्डविरुद्ध सिरिज खेल्नको लागि न्यूजिल्याण्ड गएको पाकिस्तानी क्रिकेट टोलीका कप्तान बाबर आजममाथि गम्भीर आरोप लागेको छ । बाबरले आफूलाई बिहेको प्रलोभन देखाएर १० वर्षसम्म यौनशोषण गरेको एक महिलाले आरोप लगाएकी छिन् । ती महिलाले बाबरले आफूलाई यो अवधिमा गर्भवती समेत बनाएको आरोप लगाएकी छिन् ।
So this lady has made accusations against Babar Azam “he promised to marry me, he got me pregnant, he beat me up, he threatened me and he used me”
Video courtesy 24NewsHD pic.twitter.com/PTkvdM4WW2— Saj Sadiq (@Saj_PakPassion) November 28, 2020
महिलाले एक पत्रकार सम्मेलनको आयोजना गरी बाबरमाथि आरोप लगाएकी हुन् । महिलाको पहिचान खुलाइएको छैन । उनको पत्रकार सम्मेलनको भिडियो पत्रकार साज सादिकले ट्वीटरमा शेयर गरेका छन् । महिलाका अनुसार बाबर र उनी सानैदेखि परिचित थिए । स्कुलदेखिका साथी बाबरले उनलाई २०१० मा प्रपोज गरेका थिए । अहिलेसम्म यस विषयमा पाकिस्तान क्रिकेट बोर्डले कुनै प्रतिक्रिया दिएको छैन । बाबरसहित पूरै पाकिस्तानी टिम अहिले न्यूजिल्याण्डमा छन् र उनीहरु १४ दिनको क्वारेन्टाइन अवधिमा छन् ।
Facebook Comment