नेपाल र विश्व बैंकबीच १५ करोड अमेरिकी डलर ऋण सम्बन्धी सम्झौतामा हस्ताक्षर
काठमाडौं। नेपालले विश्व बैंकबाट १५ करोड ऋण लिने भएको छ। आइतबार नेपाल सरकार र विश्व बैंकबीच सो ऋण सम्झौतामा हस्ताक्षर भएको छ। सो सम्झौतामा नेपालका तर्फबाट अर्थ सचिव शिशिर कुमार ढुंगाना तथा माल्दिभ्स, नेपाल र श्रीलंकाका लागि विश्व बैंकका राष्ट्रिय निर्देशक फारिस हदाद जर्भोसले हस्ताक्षर गरेका छन्।
कोभिड १९ महामारीबाट उत्थानशील पुनरुत्थान तथा अति विपन्न र जोखिममा रहेकाको संरक्षण एवम दिगो विकासका लागि सो ऋण परिचालन गरिने अर्थ मन्त्रालयले जनाएको छ।
कोभिड-१९ महामारीबाट उत्थानशील पुनरुत्थान तथा अति विपन्न र जोखिममा रहेकाहरूको संरक्षण एवं दिगो विकास हासिल गर्न नेपाललाई १७ अर्ब ७८ करोड रुपैयाँ बराबरको सहुलियत ऋण उपलब्ध गराउने सम्बन्धी वित्तीय सम्झौतामा सरकार र विश्व बैंकबीच हस्ताक्षर । pic.twitter.com/Kmk7MbXdEQ
— MOF Nepal 🇳🇵 (@mofnepal) June 27, 2021
यो ऋण सहयोगले कर र भन्सार प्रणाली, सार्वजनिक लगानी व्यवस्थापन, वातावरणीय नियमन र ऋण व्यवस्थापनका क्षेत्रमा सुधार गरिने अर्थमन्त्रालयले जनाएको छ। सो सम्झौतामा हस्ताक्षरपछि उपप्रधानमन्त्री तथा अर्थमन्त्री विष्णु पौडेल र माल्दिभ्स, नेपाल र श्रीलंकाका लागि विश्व बैंकका राष्ट्रिय निर्देशक फारिस हदाद जर्भोसबीच अर्थ मन्त्रालयमा छलफल भएको मन्त्रालयले जनाएको छ।
उपप्रधान तथा अर्थमन्त्री विष्णुप्रसाद पौडेल र माल्दिभ्स, नेपाल तथा श्रीलंकाका लागि विश्व बैंकका राष्ट्रिय निर्देशक फारिस हदाद-जर्भोसबीच कोभिड-१९ नियन्त्रण, वैदेशिक सहायता, आर्थिक पुनर्स्थापना लगायतका विषयमा छलफल । pic.twitter.com/KDyzBzZXd6
— MOF Nepal 🇳🇵 (@mofnepal) June 27, 2021
Facebook Comment