जापानमा ओलम्पिक भइरहेको ठाउँमा ६ म्याग्नेच्युडको शक्तिशाली भूकम्प
काठमाडौं। जापानको राजधानी टोक्योमा ओलम्पिकका खेलहरु भइरहेको स्थानमा शक्तिशाली भूकम्प गएको छ । स्थानीय समयअनुसार बिहान साढे ५ बजे टोक्योको पूर्वतर्फ केन्द्रविन्दु भएर ६ म्याग्नेच्युडको भूकम्प गएको हो । ओलम्पिक खेलका लागि टोक्योमा रहेका खेलाडी र पत्रकारहरुले ३ मिनेटसम्म भूकम्पको धक्का र परकम्प महसुस भएको बताएका छन् ।
भूकम्पको केन्द्रविन्दु जमिनबाट ४० किलोमिटर पर ३० किलोमिटर गहिराइमा भएको बताइएको छ । सिएनएनका रिपोर्टर विल रिप्लेले ट्वीट गर्दै भनेका छन् ‘अहिले टोक्योमा भूकम्प गयो । मैले करिब ३० सेकेण्डसम्म धक्का महसुस गरें । अहलेसम्म गइरहेको छ ।’ अर्का एक पत्रकारका अनुसार त्यहाँ ३ मिनेटसम्म जमिनमा हलचल भएको थियो । भूकम्प गएका बेला अस्ट्रेलियाका रिपोर्टर मार्क बेरेट्टा सूर्योदयको दृश्य लाइभ गर्दै थिए ।
Two earthquakes at 5:33am and 5:43am (local time) off the coast of Hasaki, Japan, were felt in Tokyo, where the summer Olympics are happening. U.S. Geological Survey says they registered magnitudes 5.8 and 5.1. About 75 miles offshore & 6 miles deep. No damage or tsunami warning. https://t.co/TNIbOxYPdG
— Will Ripley (@willripleyCNN) August 3, 2021
अधिकारीहरुले भूकम्पबाट कुनै क्षति नभएको र सुनामीको पनि जोखिम नभएको बताएका छन् । जापान टेक्टोनिक प्लेटहरुको जोखिम क्षेत्रमाथि रहेकोले यहाँ भूकम्पको धक्का महसुस भइरहन्छ त्यसैले टोक्यो पहिले नै यहाँ भूकम्पको धक्का महसुस हुन सक्ने जोखिमप्रति तयार थियो । ओलम्पिक खेल भइरहेको स्थान भूकम्प प्रतिरोधी मात्र नभइ साढे ६ फिटसम्मको सुनामी समेत रोक्न सक्ने गरी बलियो पर्खालले छेकिएको छ ।
Facebook Comment