बलात्कारपछि हत्या आरोपीको टाउकोको मूल्य १६ लाख, मन्त्रीले भने ‘इन्काउन्टरमा मारिदिन्छौं’ – Dcnepal

बलात्कारपछि हत्या आरोपीको टाउकोको मूल्य १६ लाख, मन्त्रीले भने ‘इन्काउन्टरमा मारिदिन्छौं’

काठमाडौं। तेलंगनाको हैदराबादमा केही दिनअघि ६ वर्षकी एक बालिकाको पहिले बलात्कार र त्यसपछि हत्या गरेर फरार आरोपीको पुलिसले खोजी गरिरहेको छ । यो घटनाले त्यहाँका जनता निकै आक्रोशित भएका छन् । उनीहरुले आरोपीलाई कडा सजाय दिन माग गरिरहेका छन् । यही बीच तेलंगना सरकारका मन्त्रीले ती आरोपीलाई इन्काउन्टरमा गोली हानेर मारिदिने बताएको एनडिटिभीको एक रिपोर्टमा जनाइएको छ ।

तेलंगना सरकारका श्रीम मन्त्री मल्ला रेड्डीले हैदराबादमा भएको यो घटनाबारे मिडियासँग कुरा गर्दै पीडितले छिटै न्याय पाउने बताए । मल्ला रेड्डीले भने ‘ हैदराबादकी बच्चीको हत्या गर्नेले कडा सजाय पाउनुपर्छ । हामी उसलाई गिरफ्तार गर्नेछौं त्यसपछि इन्काउन्टरमा मारिदिनेछौं ।’ मन्त्रीले छिटै पीडित परिवारलाई भेट्ने र उनीहरुलाई सहयोग गर्ने पनि बताए । परिवारलाई हरेक किसिमले सहयोग गर्ने बताउँदै उनले अगाडि बढेर इन्काउन्टरको कुरा गरे त्यसपछि आरोपीलाई नछोड्ने बताए ।

यो घटनाका विषयमा जनतामा बढ्दो आक्रोशका बीच सोमबार सांसद रेवाथ रेड्डीले पीडित परिवारलाई भेटेका छन् । हैदराबादसहित तेलंगनाका विभिन्न स्थानमा यो घटनालाई लिएर विरोध प्रदर्शन भइरहेका छन् । जनताको प्रदर्शन र जुलुश लगातार बढिरहेका छन् । जनताले मैनबत्तीसहित जुलुस निकालेर न्यायको माग गरेका छन् ।

घटना ९ सेप्टेम्बरमा भएको थियो । त्यस दिन ६ वर्षकी बालिकालाई पहिले बलात्कार गरेर हत्या गरिएको थियो । बालिकाको शव एउटा बन्द घरभित्र भेटिएको थियो । पुलिसले यस घटनामा दोषी भएको आरोपमा ३० वर्षका एक व्यक्तिको खोजी गरिरहेको छ । यी आरोपी बालिकाका छिमेकी भएको बताइएको छ । पुलिसले १५ टिम बनाएको छ र सबै टिमले यी आरोपीको खोजी गरिरहेको छ ।

मध्य प्रदेश र आन्ध्र प्रदेशमा पनि आरोपीको खोजी भइरहेको छ । हैदराबाद पुलिसले आरोपीको टाउकोको मूल्य १० लाख भारतीय रुपैयाँ (१६ लाख नेपाली रुपैयाँ) तोकेको छ । आरोपीलाई छिटो पक्राउ गर्न यो पुरस्कार घोषणा गरिएको हो । तृलंगनाको राजनीतिमा यो मुद्दाले ठूलो हलचल ल्याएको छ जसले गर्दा पुलिसमाथि पनि छिटो एक्सन लिन ठूलो दबाब परेको छ ।

Facebook Comment


सम्बन्धित खवर

ताजा भिडियो