अफगानिस्तानमा तालिबानलाई निशाना बनाएर आतंकवादी आक्रमण, ३५ तालिबानी मारिए – Dcnepal

अफगानिस्तानमा तालिबानलाई निशाना बनाएर आतंकवादी आक्रमण, ३५ तालिबानी मारिए

काठमाडौं। अफगानिस्तानमा इस्लामिक स्टेटको शाखा खुरासान प्रान्त (आइएसकेपी)ले अफगानिस्तानमा तालिबानको नियन्त्रणपछि उसले तालिबानलाई निशाना बनाएर पहिलो पटक आक्रमण गरेको दावी गरेको छ । १९ सेप्टेम्बरमा आइएसकेपीले यस्तो दावी गरेको बीबीसीले जनाएको छ ।

आइएसकेपीको दावी अनुसार उसले नांगरहार प्रान्तको राजधानी जलालाबादमा तालिबानलाई निशाना बनाएर आइइडी विष्फोट गराएको छ । आक्रमणमा ३५ तालिबानी लडाकु मारिएको वा घाइते भएको उसले दावी गरेको छ । आइएसले आफ्नो दावीमा तालिबानलाई धर्म भ्रष्ट मिलिशिया भनेको छ । आइएसले तालिबानलाई पहिलेदेखि नै यस्तो भन्दै आएको छ ।

तालिबानले भने अहिलेसम्म यी कथित आक्रमणबारे कुनै टिप्पणी गरेको छैन । तर, स्थानीय अफगान मिडिया समूहहरुले नांगरहारमा भएको आइइडी विष्फोटमा मानिसहरु मारिएको रिपोर्ट प्रकाशित गरेका छन् । आइएसको समाचार एजेन्सी अमकले यी दावीको पुष्टिको लागि केही तस्वीर पनि जारी गरेको छ ।

यसअघि आइएसले २६ अगष्टमा काबुल एयसपोर्टमा आत्मघाती आक्रमण गरेको ३० अगष्टमा काबुल एयरपोर्टमा रकेट आक्रमण गरेको तर ती आक्रमण तालिबानप्रति लक्षित नभएको दावी गरेको छ । आइएसले ती आक्रमणमा अमेरिका र उसका सहयोगीलाई निशाना बनाइएको दावी गरेको छ ।

Facebook Comment


सम्बन्धित खवर

ताजा भिडियो