पूर्वविद्यार्थीले नै विद्यालयलाई गरे सहयोग
तनहुँ । तनहुँको भानु नगरपालिका–१३ स्थित अरनिको माध्यमिक विद्यालयमा अध्ययरत पूर्वविद्यार्थीले विद्यालयलाई सहयोग जुटाएका छन् । अङ्ग्रेजी माध्यमबाट विद्यालय सञ्चालन गराउन आवश्यक पर्ने रकम जुटाउन उनीहरुले अभियान नै सुरु गरेर सहयोग जुटाएका हुन् ।
अङ्ग्रेजी माध्यममा पठनपाठनका लागि विद्यालयको आर्थिक स्रोतले नभ्याउने भएपछि सहयोग संकलन अभियान थालिएको पूर्वविद्यार्थी मञ्चका अध्यक्ष गलबहादुर गुरुङले जानकारी दिए । उनका अनुसार मञ्चको आग्रहमा हालसम्म डेढ लाखभन्दा बढी रकम संकलन भएको छ ।
वार्षिकरुपमा एक लाख बराबरको पाठ्यपुस्तक खरिद गर्नुपर्ने र त्यसका लागि विद्यालयको आर्थिक स्रोतले नसकिने भएपछि पूर्वविद्यार्थी कोष स्थापना गरी अभियान थालिएको उनले बताए ।
उनले भने, ‘अभियानमा देश तथा विदेशबाट सहयोग जुटिरहेको छ, विद्यालयका पूर्वविद्यार्थीले पनि सहयोग गरेका छन् ।’ बुधबार मात्र भानु–१२ आहाले घर भई अमेरिकामा रहेका राजुविक्रम अधिकारीले ५० हजार सहयोग गरेका छन् । त्यस्तै, भानु –१३ तीनघरे घर भई सोही देशमा रहेका राजु अधिकारीले ५१ हजार सहयोग गरेका छन् ।
यसअघि विभिन्न व्यक्तिबाट प्राप्त ६० हजार रुपैयाँ विद्यालयलाई हस्तान्तरण गरिसकिएको मञ्चका सचिव रामकृष्ण कुँवरले जानकारी दिए ।
हालसम्म पोखरीछाप घर भई अष्ट्रेलिया रहेका प्रेम गुरुङले २५ हजार, खड्कागाउँका प्रकाश थापाले १० हजार, बर्खौलाका प्रेम गुरुङले पाँच हजार पाँच सय, पुलिमराङका युवराज गुरुङले पाँच हजार, महम्मद तालिम मियाले पाँच हजार पाँच, मोहोरिया खड्कागाउँ घर भई दुबईमा रहेका रविन खड्काले १० हजार सहयोग गरेका छन् ।
Facebook Comment