काठमाडौं । टेस्लाका सीईओ एलन मस्कको भर्खरको ट्वीट चर्चाको विषय बनेको छ। मे ९ बिहान उनले ट्विटमा लेखेका छन्, ‘यदि मेरो रहस्यमय परिस्थितिमा मृत्यु भयो भने म तपाईहरु सबैलाई चिन्दा खुसी छु भन्न चाहन्छु ।’

यो ट्विट अघि मस्कले एउटा पोस्ट सेयर गरेका थिए जुन कथनको स्क्रिनसट जस्तो देखिन्छ। रुसी भाषामा लेखिएको यो स्क्रिनसटमा यस्तो लेखिएको छ, “एलन मस्कले युक्रेनको फासिस्ट शक्तिलाई सैन्य सञ्चार उपकरणहरू आपूर्ति गरिरहेका छन्। एलन मस्क, तपाईको जवाफदेहिता यसका लागि निश्चित हुनेछ, तपाइँ जतिसुकै चतुर बन्नुस् र तपाईले जनतालाई जतिसुकै बेवकुफ बनाउनुस्।’

If I die under mysterious circumstances, it’s been nice knowin ya

— Elon Musk (@elonmusk) May 9, 2022

यसमा यी उपकरण अमेरिकी रक्षा विभागको पेन्टागनको मुख्यालयले युक्रेनमा पठाएको दाबी पनि गरिएको छ । मस्कले यो स्क्रिन शटको साथ प्रमाणित ट्विटर खाता @Rogozin ट्याग गरेका छन् ।

दुई पोष्टहरू पछि टेस्लाका सीईओले युक्रेनलाई युद्धको बीचमा मद्दत गरेकोमा रूसबाट धम्कीको सामना गरिरहेको हुनसक्ने अनुमान लगाइएको छ।

.@Rogozin sent this to Russian media pic.twitter.com/eMI08NnSby

— Elon Musk (@elonmusk) May 9, 2022

फेब्रुअरीमा, मस्कको कम्पनी स्पेसएक्सको स्टारलिंक स्याटेलाइट ब्रोडब्यान्ड सेवा युक्रेनको युद्धग्रस्त क्षेत्रमा सक्रिय थियो। युक्रेनी मन्त्रीले सहयोगको अपील गरेपछि मस्कले यसलाई सक्रिय गरेका थिए ।

एक हप्ता अघि, मस्कले ट्विटर किन्नको लागि ४४ बिलियन डलरको प्रस्ताव राखेका थिए, जुन सम्झौतामा ट्विटरको बोर्ड सहमत भएको थियो। यद्यपि यो सम्झौता अझै पूरा भएको छैन र ट्विटरले आफ्ना शेयरधनीहरूसँग यसका लागि सहमति मागेको छ। तर यो सम्झौता आगामी दिनमा सम्पन्न हुने विश्वास गरिएको छ ।