श्रीलंकाका राष्ट्रपतिले संकटको बीचमा महत्वपूर्ण घोषणा गरे
काठमाडौं । श्रीलंकाका राष्ट्रपति गोटाबाया राजापाक्षेले नयाँ सरकार गठनको बारेमा ट्वीटरमा जानकारी दिएका छन्। उनले यस सम्बन्धमा ट्वीट गर्दै भनेका छन्, ‘देशमा अराजकताको अवस्थालाई नियन्त्रण गर्न र रोकिएका मुद्दाहरू समाधान गर्न नयाँ सरकार गठनका लागि पहल गरिनेछ ।’
उनले यसै साताभित्र संसदमा बहुमत भएको र जनताको विश्वास जित्न सक्ने प्रधानमन्त्री नियुक्त हुने लेखेका छन् । गोटबायाले ट्वीट गर्दै भनेका छन्, ‘नयाँ सरकारलाई नयाँ कार्यक्रम प्रस्तुत गर्ने मौका दिइनेछ र देशलाई आफ्नो नीतिका साथ अगाडि बढाउने अधिकार दिइनेछ ।’
“यसबाहेक संसदलाई थप सशक्त बनाउन संविधान संशोधनको पहल गरिनेछ। साथै कार्यकारी अध्यक्षको पद खारेज गर्ने सुझावमाथि पनि विचार गरिनेछ।”
2/4
The new gov will be given the opportunity to present a new program & empowered to take the country forward.
Further, steps will be taken to amend the constitution to re-enact the contents of the 19th Amendment to further empower the Parliament.— Gotabaya Rajapaksa (@GotabayaR) May 12, 2022
यस सम्बन्धमा गोटाबायाले आफ्नो अन्तिम ट्विटमा लेखेका छन्, ‘जनताको जीवन र सम्पत्तिको सुरक्षाका लागि तपाईहरु सबैलाई सहयोग गर्न म विनम्र अनुरोध गर्दछु ।’
राष्ट्रपति गोटाबायाको यो ट्विट श्रीलंकाले गम्भीर चुनौतीको सामना गरिरहेको बेला आएको हो । मुलुक पहिलेदेखि नै आर्थिक सङ्कटमा गुज्रिरहेको भए पनि सोमबार देशका प्रधानमन्त्री महिन्दा राजापाक्षेले राजीनामा दिएपछि मुलुक राजनीतिक सङ्कटमा पनि गुज्रिरहेको छ ।
आर्थिक संकटको सामना गरिरहेको श्रीलंकामा सरकार विरोधी प्रदर्शनले हिंसात्मक रुप लिएको छ । देशैभरि फैलिएको हिंसाका क्रममा भएको गोलीकाण्डमा वर्तमान सांसदसहित पाँच जनाको ज्यान गएको छ ।
आर्थिक संकटको सामना गरिरहेको श्रीलंकामा महिन्दा राजापाक्षेले प्रधानमन्त्री पदबाट राजीनामा दिनु एक्कासी भने होइन । यसको अनुमान धेरै पहिलेदेखि नै भइरहेको थियो । राष्ट्रपति गोटाबाया राजापाक्षेले महिन्दा राजापाक्षेलाई राजीनामा दिन आग्रह गरेका थिए ।
Facebook Comment