काठमाडौं । पाकिस्तानको लाहोर अदालतले प्रधानमन्त्री शाहबाज शरीफ सहित मनी लान्ड्रिङ काण्डका सबै आरोपीलाई मे १४ मा अदालतमा हाजिर हुन आदेश दिएको छ । उनीविरुद्ध सोही दिन आरोपपत्र दायर हुनेछ ।

बीबीसी उर्दू संवाददाता शाहबाज मलिकको रिपोर्टका अनुसार यसअघि प्रधानमन्त्री शाहबाज शरीफको अपीलमा लाहोरको विशेष अदालतले उनलाई उपस्थित हुनबाट छुट दिएको थियो र अन्तरिम जमानत पनि दिएको थियो।

तर अब अदालतले सबै अभियुक्तलाई मे १४ मा अदालतमा हाजिर हुनुपर्ने र अब यस मुद्दामा थप मिति नदिइने बताएको छ ।

शाहबाज शरीफ र उनका छोराहरू हम्जा र सोलोमन शरीफलाई पाकिस्तानको अनुसन्धान एजेन्सी एफआईएले नोभेम्बर २०२० मा भ्रष्टाचार र मनी लान्ड्रिंग आरोपमा मुद्दा दायर गरेको थियो। पछि एफआईआरमा थप १४ जनाको नाम थपियो।