काठमाडौं । पाकिस्तानको वाणिज्य मन्त्रालयले भारतसँगको व्यापार नीतिमा कुनै परिवर्तन नभएको स्पष्ट पारेको छ । वास्तवमा, पाकिस्तानमा शाहबाज शरीफको सरकारले भारतमा नयाँ व्यापार अधिकारी नियुक्त गरेको छ।

यसपछि पाकिस्तानको नयाँ सरकारले भारतसँगको व्यापारिक सम्बन्ध पुनर्स्थापित गर्न चाहेको अनुमान गरिएको थियो । तर वाणिज्य मन्त्रालयले विज्ञप्ति जारी गर्दै यसलाई अस्वीकार गरेको छ ।

नयाँ दिल्लीमा व्यापार अधिकृतको पद विगत दुई दशकदेखि रहेको र अहिलेको अवस्थामा भारतसँगको व्यापारिक सम्बन्धलाई पुनर्स्थापना गर्न वा अन्य कोणबाट हेर्नुपर्ने आवश्यकता नरहेको मन्त्रालयको भनाइ छ ।

गत वर्षको डिसेम्बरमा नयाँ दिल्लीका लागि ट्रेड अफिसर भर्ती गर्ने पहल सुरु भएको पनि मन्त्रालयले जानकारी दिएको छ । त्यसपछि अन्तर्वार्ता बोर्डको सिफारिसलाई वैशाख १ गते प्रधानमन्त्री कार्यालयमा पठाइएको थियो ।

यसअघिको सरकारमा पनि यस्तो भएको मन्त्रालयले जनाएको छ । पाकिस्तानको वाणिज्य मन्त्रालयले वर्तमान सरकारले ती सिफारिसहरूलाई मात्रै अनुमोदन गरेको जनाएको छ।