रूस विरुद्ध महत्वपूर्ण प्रस्ताव संयुक्त राष्ट्रसंघमा पारित
काठमाडौं । संयुक्त राष्ट्र मानवअधिकार परिषद्ले युक्रेनमा रुसी सेनाले गरेको भनिएको दुर्व्यवहारको आरोपको छानबिन गर्न प्रस्ताव पारित गरेको छ ।
काउन्सिलले जेनेभामा आपतकालीन सत्रमा युद्ध अपराधको आरोपको सुनुवाइ गरेको थियो। यी युद्ध अपराधहरूमा हत्या, बलात्कार, यातना र नागरिकहरूको जबरजस्ती बेपत्ता समावेश छन्।
यस प्रस्तावको समर्थनमा ३३ सदस्य राष्ट्रले मतदान गरेका थिए । १२ देशले मतदानमा भाग लिएका थिएनन् भने दुई देश चीन र इरिट्रियाले प्रस्तावको विपक्षमा मतदान गरेका थिए । रुसलाई गत महिना काउन्सिलबाट निलम्बन गरिएको थियो । रुसले पर्यवेक्षकका रुपमा बैठकमा सहभागी नहुने निर्णय गरेको थियो ।
रुसले आफ्नो सेनामाथि लागेको दुर्व्यवहार गरेको आरोप अस्वीकार गरेको छ। रुसले यो प्रस्तावको निन्दा गरेको छ । “यस देशमा संकटको वास्तविक कारणहरूबारे छलफल गर्नु र समाधान खोज्नुको सट्टा सम्पूर्ण पश्चिमले रुसलाई बदनाम गर्न अर्को राजनीतिक बाटो खोजिरहेको छ,” संयुक्त राष्ट्र संघका लागि रुसी राजदूत गिनाडी गिटिलाले रोयटर्स समाचार एजेन्सीलाई बताइन्।
चिनियाँ राजदूतले पनि यसको निन्दा गरेका छन् । उनले यसलाई काउन्सिलको “राजनीतिकरण” भने र यो प्रस्तावले युक्रेनको संकटलाई मात्रै बढाउने बताए।
Facebook Comment