काठमाडौं । फिनल्याण्ड र स्वीडेनले आधिकारिक रूपमा बुधवार नेटोमा सामेल हुन आफ्नो आवेदन पेश गरेका छन् । नेटो सैन्य गठबन्धनका प्रमुख जेन्स स्टोल्टेनबर्गले यसको पुष्टि गरेको फोर्ब्सले जनाएको छ । यो दुई ऐतिहासिक रूपमा तटस्थ नर्डिक राष्ट्रहरूले युक्रेनमा रूसको आक्रमणको प्रतिक्रियामा लिएको अपेक्षित कदम हो।

एक आधिकारिक विज्ञप्ति अनुसार नेटोका लागि फिनल्याण्डका राजदूत क्लाउस कोर्होनेन र नेटोका लागि स्विडेनी राजदूत एक्सेल वेर्नहोफले नेटोको ब्रसेल्स मुख्यालयमा सैन्य गठबन्धनमा सामेल हुनको लागि आ-आफ्ना आधिकारिक पत्रहरू बुझाएका हुन् ।

नेटोका महासचिव जेन्स स्टोल्टनबर्गले आवेदनहरू स्वीकार गरे र भने “उनीहरूको निर्णयलाई हार्दिक स्वागत गर्दछौं।” स्टोल्टेनबर्गले स्वीडेन र फिनल्याण्ड दुबैलाई नेटोको “निकट साझेदार” को रूपमा स्वागत गरे र उनीहरूको सदस्यताले “हाम्रो साझा सुरक्षा बढाउने” बताए । नेटो प्रमुखले थपे कि सदस्य राष्ट्रहरू सबै मुद्दाहरू मार्फत काम गर्न र आवेदन प्रक्रियामा “छिटो निष्कर्ष” मा पुग्न कटिबद्ध थिए।

यससँउै यी २ देशमाथि रूसले आक्रमण गर्न सक्ने जोखिम अत्याधिक भएको छ । रूसले यसअघि नै यी २ देशहरूलाई नेटोमा सहभागी नहुन चेतावनी दिएको थियो । रूसले युक्रेनमाथि आक्रमण गर्नुको प्रमुख कारण पनि युक्रेनले नेटोमा सहभागी हुने प्रयास गर्नु हो भनिन्छ । रूसले आफ्नो छिमेकी देश नेटोमा सहभागी हुँदा आफ्नो देशको सुरक्षा जोखिममा पर्ने ठान्छ । फिनल्याण्डको १ हजार किलोमिटरभन्दा लामो सिमा रूससँग जोडिएको छ ।