काठमाडौं । भारतको उड्डयन नियामक नागरिक उड्डयन महानिर्देशालय (डीजीसीए) ले अपाङ्गता भएका व्यक्तिलाई उडानमा चढ्न रोक लगाएकोमा इन्डिगो एयरलाइन्सलाई ठूलो कारबाही गरेको छ। डीजीसीएले कम्पनीलाई ५ लाख रुपैयाँ जरिवाना लगाएको छ ।

इन्डिगोले मे ७ मा एक अपाङ्ग बालकलाई राँची एयरपोर्टमा उडानमा चढ्नबाट रोकेको थियो। यसमाथि कडा कारबाही गर्दै डीजीसीएले कम्पनीलाई ५ लाख रुपैयाँ जरिवाना लगाएको छ ।

डीजीसीएले यो घटनाको लागि कम्पनीको कडा आलोचना गरेको छ । नियामकले भनेको छ–कम्पनीका ग्राउन्ड स्टाफले अपाङ्गता भएका बालकलाई राम्ररी सम्हाल्न सकेनन् उल्टै उनीहरूले अवस्था झन् खराब बनाए । यस अवस्थामा, उनीहरूले अधिक संवेदनशील रूपमा कार्य गर्नुपर्थ्यो जसले बच्चाको लागि प्रक्रियालाई सजिलो बनाओस् र उनलाई शान्त बनाओस्। कम्पनीका कर्मचारीहरूले यो गर्न सकेनन्, उल्टो चरम कदम चाल्दै अन्ततः यात्रुलाई विमानमा चढ्न दिइएन ।

डीगीसीए ले भन्यो – विशेष परिस्थितिमा असाधारण कदम चाल्नु पर्ने हुन्छ, तर कम्पनीका कर्मचारीहरूले नागरिक उड्डयन आवश्यकता (नियम) को भावना र प्रतिबद्धता पूरा गर्न सकेनन् र त्यसो गर्न असफल भए। यसैलाई ध्यानमा राख्दै डीजीसीएले कम्पनीलाई ५ लाख रुपैयाँ जरिवाना गर्ने निर्णय गरेको छ । यो जरिवाना सम्बन्धित विमान नियमको प्रावधान अनुसार लगाइएको हो।