काठमाडौं । रुस–युक्रेन भएको ९४ दिन बितिसकेको छ । यसैबीच रुसले शनिबार एक हजार किलोमिटर टाढासम्म मार हान्न सक्ने जिरकोन मिसाइलको सफल परीक्षण गरेको छ ।

यो हाइपरसोनिक क्रुज मिसाइलको गति ध्वनिभन्दा ९ गुणा बढी छ । रुसी रक्षा मन्त्रालयका अनुसार ब्यारेण्ट सागरमा रहेको युद्धपोत एडमिरल गोर्शकोभबाट मिसाइल प्रक्षेपण गरिएको हो ।

यसले सेतो सागरमा करिब एक हजार किलोमिटर टाढाको लक्ष्यलाई नष्ट गर्यो। यो परीक्षण यस्तो समयमा गरिएको हो जब रुसले अमेरिकालाई युक्रेनलाई हतियार दिएर गल्ती गरिरहेको बताएको छ र यसको परिणाम नराम्रो हुन सक्ने चेतावनी दिएको छ। गत महिना रुसले इन्टरकन्टिनेन्टल ब्यालिस्टिक मिसाइल (आईसीबीएम) सरमतको परीक्षण पनि गरेको थियो ।

अहिलेसम्म युक्रेनको लुहान्स्कमा युद्धका कारण ३४०० भन्दा बढी कम्पनी बन्द भएका छन् । जसमा ४ सय ७९ उत्पादन संयन्त्र रहेका छन् । माइकोलाइभमा शनिबार भएको रुसी बम आक्रमणमा एक जनाको मृत्यु भएको छ र ६ जना घाइते भएका छन् । युक्रेनी अधिकारीहरुका अनुसार युद्धका क्रममा २४२ युक्रेनी बालबालिकाको मृत्यु भएको छ भने ४४० जना घाइते भएका छन् ।

रुसी सेनाले पूर्वी युक्रेनको रणनीतिक दृष्टिले महत्वपूर्ण सहर लिमन कब्जा गरेको छ । रुसी सेनाले शनिबार यसको पुष्टि गरेको छ । यो शहर युद्ध सुरु हुनु अघि २० हजारको जनसंख्या थियो। यसको पुरानो नाम क्यासिनी लिमान हो।

लिमान पूर्वी डोनेट्स्कको उत्तरमा अवस्थित छ र युक्रेनी-नियन्त्रित स्लोभियान्स्क र क्रामाटोर्स्क सहर जाने बाटोमा छ। रुसी रक्षा मन्त्रालयले एक विज्ञप्ति जारी गर्दै डोनेट्स्क जन गणतन्त्र र रुसी सशस्त्र बलको कारबाहीपछि लिमान सहर युक्रेनी कब्जाबाट पूर्ण रूपमा मुक्त भएको जनाएको छ ।