काठमाडौं । यात्रुले भरिएको विमान उडाइरहेका क्याप्टेन निद्रामा परे । विमानसँग एयर ट्राफिक कन्ट्रोलको १० मिनेटसम्म सम्पर्क हुन सकेन । त्यसपछि अधिकारीहरूले आतंकवादी अपहरणको आशंका गरे र फाइटर जेट पनि तयार पारे।

घटना इटालीको हो । पाइलट इटालीको स्टेट एयरलाइन्समा काम गर्थे। इटालियन अखबार रिपब्लिकाका अनुसार ३० अप्रिलमा न्युयोर्कबाट रोमका लागि यात्रा गर्ने क्रममा आईटीए एयरवेजको एजेड ६०९ यात्रुवाहक उडानका दुवै पाइलट एयरबस ३३० लाई नियन्त्रण गर्ने क्रममा निद्रामा परेका थिए ।

टेलिग्राफको रिपोर्टका अनुसार विमानका को-पाइलटले निर्धारित प्रक्रियाअनुसार ‘नियन्त्रित विश्राम’ लिइरहेका थिए, तर त्यसबेला क्याप्टेन जागा र पहुँचमा हुनुपर्ने थियो । तर विमान अटोपाइलटमा थियो र १० मिनेटसम्म सम्पर्क हुन सकेन।

फ्रान्समा प्रवेश गरेपछि विमानले आफ्नो स्थितिको जानकारी दिएको थियो। त्यसपछि उनले एयर ट्राफिक कन्ट्रोलरलाई आफ्नो स्थितिको जानकारी दिन बन्द गरे । धेरै प्रयास पछि पनि एटिसी विमानसँग सम्पर्क गर्न सफल भएन । फ्रान्सेली अधिकारीहरूले रोमन अधिकारीहरूसँग सम्पर्क गरे र आतंकवादी घटनाको चेतावनी दिए।

फ्रान्सेली अधिकारीहरूले पनि दुई लडाकु विमानहरूलाई स्ट्यान्डबाइमा रहन भनेका थिए ताकि उनीहरूलाई यात्रु विमानको नजिक पठाउन र पाइलटको अवस्थाको जानकारी लिन सकियोस्। यस क्रममा रोमका अधिकारीहरूले पनि विमानसँग सम्पर्क गर्ने प्रयास गरेका थिए।

१० मिनेटको लगातार प्रयास पछि पाइलटले अन्ततः जवाफ दिए। त्यसपछि उनी समयभन्दा २० मिनेट अगाडि रोममा अवतरण गर्न लागेका थिए।

यसै क्रममा आइटीए एयरवेजको आन्तरिक अनुसन्धानमा कप्तानलाई दोषी पाइएपछि उनलाई बर्खास्त गरिएको छ । तर, कप्तानले आफु सुतेको भन्ने आरोप अस्वीकार गरेका छन् । तर उनले रेडियोको जवाफ नआउनुको खास कारण भने खुलाएनन् ।

टेलिग्राफसँगको कुराकानीमा एयरलाइन्सका प्रवक्ता डेभिड डेमिकोले भने- विमान अटोपाइलटमा थियो, सामान्य गतिमा उडिरहेको थियो। यात्रुको सुरक्षामा कहिल्यै सम्झौता गरिएको छैन ।